ادفن هواك
كفن خيوط الشمس
وادفن هواك بإديك
د بكره زي الأمس
لون السواد ف عنيك
إكسر جسور الأمل
واردم عل إلي اتعمل
وانسي الأمال والزجل
د إنت الألام حواليــك
الجرح فيك إتمـد
والحلم فيك اتهـد
وطريق هواك انسد
والحزن عشش فيك
قول باقي إيه جواك
غير الأنين في حشاك
وجـرح ومـرار كفاك
قول إيـه إلي فاضل ليك
غاب الرفيق .. وانت الغريق .. توهت الطريق .. مش لاقي ضي.
عيش بفكره وموت بذكرى وانسي بكره لا عمرة جه ولا عمره جى .
للشاعر (أحمد سعيد موسي)