كلامنا لسة ف أوله

قد تقف الكلمات فى حلقى من رونق التعبير الرائع والصور البليغه فى دقه التصوير انت مصور رائع واشكر من قدم كل راى لقصيدتك الرائعه دمت ودام قلمك
اخوك طلعت عواد غنمى
العريش / مصر

الفاضل طلعت
أشكر لك طلعت ك البهية
تحياتى

	إستنى بس ... مش قادر اتكلم بجد فيه حاجات ماعرفشى إيه هى الحاجات حايشة لسانى من الكلام مش قادر انطق أى حرف مش قادر اسمع أى حرف إستنى بس .. لما روحى تلقط النفس اللى ضاع منها وتايه من سنين لما اشوف نفسى اللى غابت عنِّى فين . إستنى بس.. لما المشاعر تستريح م السفر وتنشف العرق اللى غيَّر شكلها خليها تلقى نفسها . خليها تلبس توب جديد م النهاردة هاينحسب للقلب عيد إستنى بس ... لما العيون تحفض جمالك لساها بادئة تبتدى تتهجى حرف السحر فيه.. إستنى بس.. لما قلبى يبطل الدق اللى فيه. عدت ساعات وعنيا قالت: سبنى حبة داللى عدى كان ثوانى والصمت زاد والكلام بقى بين عيونَّا كل مَايخلص كان يعيدوا الهمس تانى والإيدين باصين لبعض وغيرانين والدمع زاد بين الصوابع والكفوف صوتها طلع . متشوقين سيبنا إيدينا لبعضهم وعيونا حاضنة بعضهم ماعرفش إحنا روحنا فين؟ ولا أصلاً روحنا إمتى ؟ ولا إمتى رجعنا تانى؟ ماعرفشى إيه كان المكان الأماكن كلها كانت جميلة والناس برغم الزحمة شايفينها قليلة عدت ساعات بعد الساعات والوقت فات وكلامنا لسة ف أوله سابت إيدينا بعضها وعيونا فكت حضنها وبتنتظر فرصة تيجى لنا نكمله بكرة أكيد هانكمله داكلامنا لسة ف أوله

الله عليك وعلى الشعر لما يكون طالع من عمق إحساس صادق .. حاسس بالكلمة والمعنى وماسك اللحظة صح .
استخدامك للمفرادات فيه حرفية شديدة تدل على خبرة كبيرة .
تصدق
قرأت القصيدة أكثر من مرة وفى مرة لا أستطيع التوقف لأخذ النفس ، واعتقد أننى هنا سأطلب السماح بتحليل عد كبير من القصائد .
هذا إبداع حتى النخاع وكأنه خرج من صلب القلب والظهر
دم مبدعاً
لك خالص تحياتى ومودتى .

الصمت فى حضرة الجمال ابلغ من الكلام
تحية تليق
ود

الله ينور يا استاذ
كلمات رائعة
وامتلاك للادوات الشعرية
دمت مبدعا مؤثرا

الأستاذ صادق إبراهيم صادق : سلام الله عليك ورحمته وبركانه
إنما كان النقد لذكر المحاسن والعيوب ، وليس معنى أنني ذكرت
شيئا سلبيا في القصيدة - في إعتقادي - وقلت : إني لم أستسغه أن القصيدة رديئة ولم تعجبني.
وأود تنبيه سيادتك إلى شي ء آخر هام وهو أنه لايعني بالضرورة أن تصفق لقصيدة أنها جيدة ؛ فلربما صفقت على صورة أو شطرة واحدة فقط ووقعت القصيدة من أذنك بعدها فلم تصفق ، ولربما وقعت منها كلها وما علقت غير النهاية فصفقت لها .
انا لا أتعمد اصطياد الأخطاء ؛ وإنما أنقّي الثوب الابيض من الدنس . تحيتي ومودتي لك .

استني بس يالي حبك لسه ساكن ف الوريد يالي يوم مبشوف عيونك يبقي عيد لو بعدت سنين بطولها بردو هرجع لجل أحبك من جديد استني بس دا انت ساكن نن نني دا انت يامه عليك شغلني لو هتبعد مهما تبعد بردو حبك... سر فني استني بس

الله عليك يا عميد الشعر العامي
سلمت يداك يا أبي
تقبل تحياتي

ابنك المخلص / أحمد موسي

أخى المبدع علاء عيسى
من محبتى وتقديرا لإبداعك كتبت وفى الكتاب وفاء ..
من الشعراء الموهوبين الشاعر علاء الدين السيد عيسى الشهير بــــ ( علاء عيسى )
من مواليد محافظة الشرقية بجمهورية مصر العربية
عضو اتحاد كتاب مصر
عضو دار الأدباء
عضو مجلس إدارة أدب ديرب نجم بمحافظة الشرقية
عضو أمانة مؤتمر ديرب نجم فى دوراته المتتابعة
رئيس لجنة الأبحاث فى دورتيه الثالثة والسابعة
أمين عام مؤتمر ديرب نجم فى دورته الرابعة

إصداراته :
_____
صدر للشاعر المبدع علاء عيسى :
ديوان ( على أوتار ممزقة ) عام 1999
ديوان ( سقط العنوان سهوا ) عام 2002
القصة القصيرة المعاصرة ( مشترك ) عام 2003
عشرة طاولة ( قصيدة طويلة ) عام 2003
واحد واخد على خاطره ( قصيدة طويلة ) عام 2004
ترانيم شرقاوية ( مشترك )
ديوان ( خيانة ) عام 2005
وله قيد النشر أكثر من ديوان وأكثر من قصيدة طويلة ومسرحية شعرية
الجوائز :
_______
حصل الشاعر علاء عيسى على أكثر من جائزة ونذكر على سبيل المثال :
المركز الأول فى مسابقة عبد الحليم حافظ فى الشعر الغنائى بمحافظة الشرقية
جائزة الشعر العامى فى مسابقة جماعة الوطن العربى بالإسكندرية
الميدالية الذهبية فى الشعر العامى بمناسبة اليوبيل الذهبى لثورة يوليو من وزارة الشباب والرياضة
ومن قصيدته المطولة التى بعنوان ( امرأة غير صالحة للاستعمال الآدمى ) نذكر قوله :

الست بتاعتى

اللى كلامى عليها

مش هى الست بتاعتى

أنا باقصد بيها

البطلة النايمة

فى قلب قصيدتى

دلأن الست بتاعتى ست الستات


وعشان الوضع العام علمنى

إن الستات مالهوش


( ست )

فلنترك هذا الموضوع لظروفه

ولاحتى نجيب أى كلام

ع الست بتاعتى

ولاحتى بتاعتك

ولاحتى بتاعة واحد

صاحبى وصاحبك

وانخللى كلامنا عن ست

موجودة فى وسط الستات

مع إنى أشك ف هذا الأمر

ماعلينا

ملحوظة تؤخذ فى الحسبان

إتعودت

وأنا باكتب أى قصيدة

أكتب بلسانى

وكأنى باكتب حالى

أو بالمعنى الأحرى

بلسان الذات

........

........

لما المشاعر تستريح م السفر
وتنشف العرق اللى غيَّر شكلها
خليها تلقى نفسها .
خليها تلبس توب جديد
م النهاردة هاينحسب للقلب عيد
إستنى بس ...
استاذنا علاء عيسى
استنى بس لما اثبتها واعود اقراها تاني من جديد

أيها الشاعر العزيز على القلب

دومًا تنبض بالروعة ، وهذا الذي قرأته فيه من الحب ما يسع العالم كله .

" كلامنا لسة ف أوله " وماذا تريد أنْ تقول بعد كل ما قلته ؟ همُ الشعراء يستطيعون وحدهم أنْ يقرّروا ذلك .

تقديري واحترامي

أوف سايد !
سيد الموجى

ليه كدا يا حكومة كسفتينا بعد ما سجّلتى الجون فينا حتى الكورة بقت نتايجها هى كمان ( فى أيدى أمينة ) ؟! **** قالوا عليكى حكومة قَدَمْها مش حلو ، وطالت أيامها مابقاش غير الشعب تبيعه وتزيحه بعيد من قُدّامها ! **** وكمان قالوا حكومة غبية لكن ساكنة ف قرية ذكية لابسة البرنيطة الخواجاتى فوق الصندل والجلابية ! **** معظم وزرائك لعّيبة بخلاف كونهم ناس كسّيبة تُجار شُطار واللى يعطل مصالحهم بيروح فى مصيبة ! **** موسوعة ( جينز ) المشهورة اللى الدنيا بها مبهورة انتى دخلتيها بمصايبك المنظورة والمستورة ! **** قالوا الجون جاى من أوف سايد والحَكَم اللى ماكانش محايد بس الحكومات مابتغلطشى من منطلق الفكر السايد ! **** قصر القول عقبال ما تجيبى الجون اللى يعمّر جيبى وتقولى يا حكومتنا لشعبك الصابر : باى باى يا حبيبى !!