لحظة عمل . اصل الكلام وقت الشدايد ذنب
فين الامل . وقت الجراح
كل النواح ما يرد دم القلب
********
يارب إخوانا بينسوا
حتى بدعوة ليل يساعدوا
يا سامع الشكوى الذبيحة
فين اللي ع الاعداء يردوا
روحنا وبعناها.بجنة اشتريناها
والعز مسكنها.والروضة مأواها
لكن نخاف بعدين
لما نروح للدين
اقصانا هيهدوا
*****
بتحبني ؟ احمل سلاحي وروح
قاوم وجاهد يااخي
قلب الوطن مجروح
نعم دمانا بتملى انهارهم
لكن بوقفة حق
هترد فيها الروح
******
القدس وسماها.اقصاها ورباها
راح تمحي بالفرحة.الحزن جواها
أدي الحكاية بقى
بلا شرح ولا مشروح
********
قرشك.زكاتك .فرض ربي فين
واحنا لقوتنا . حتى مش لاقيين
ندعي الاله ف حلالكوا بيبارك
لكن تأدوا لربنا .فرض شرع ودين
ربي اقترض منكو اللي بيدلكوا
ولا هتنفق بقى امتى بس وفين
المال ده يهنالك . لكن نقولهالك
دي وديعة جاية لك.احفظها بالانفاق
وله الكلام .اسهل لناس نايمين
********
لا سلاح هترفع.........
ولا مال هتدفع....
ولا حتى دعوة... باليل هتنفع
لا أخوًة يعني اه ولا قرابة
من أمة سجدت قبل ما هتركع
راجعوا ياناس روحكوا
وبلاش لها نخدع
وابقوا اعذرونا ان كنا م القاسيين
********
صدق وعمل .اصل الاله في الاخرة يسألكوا
ايه راح تقولوا . فجهزوا اقوالكو
عالم وشايف .حتى دبيب النمل
عالصخر صلبة . والدنيا ضلمة يا ناس
قداموا احكوا . قولولنا ايه حالكوا
بسؤال بشر . ف جوابنا راح نهرب
كنا نزوق له . نبعدله ونقرب
لكن اله الكون لفعلنا مراقب
كل الخطأ أو حتى طرف العين
كل الخفايا اليوم بقى تظهر
نتمنى لو نصبح يومها
تراب او طين
لاتنسوا اخوانكم في غزة وفلسطين والعراق والامة مليانة
بالدعاء والدعم
وكل عام وانتم بخير وبركة وعزة