أوباما

الكُفْر مِلّه وحيدَه والهدف واحد
يقضوا على كل راكع فينا أو ساجد
أعداء لدين المحبه والسلام والنور
لو يمشي جاحد هييجي بعدُه مِيت جاحد
[

color="blue"]

***
الشاعر الرائع المتميز/ سيد الموجي
دائماً تبهرني بأفكارك وتناولك الفريد للمواضيع.
تقبل خالص إعجابي بفكرك
تحياتي

[/color]

يعينى علينا وعلى حظنا المنحوس
مرة بوش ومرة اوباما المسطول
نسيوا شارون واللي جراله
والحال باقي على حاله
وأدينا قاعدين نتفرج
نستنى غول ييجي وراه غول


أديبنا الراقي .. سيد الموجي


قرأتها أكثر من مرة كأنى أردد
أغنية بعزفٍ فريد
فاعذر خربشاتي بينكم أنتم العمالقة
محبتى واعجابي الشديد

طب والعمل ايه يا مروة ؟
سؤال برىء مطروح
على اللى دايما يقولوا
يا روح ما بعدك روح
هيفضلوا لحد امتى
عبيد كراسيهم
مش مكسوفين إنهم
حُكّام وطن مدبوح ؟!

معلم والله يا أبو السيد كلامك له معاني أكيد أتمنى يفهمها أوباما وغيره ويحط عينه ع الصواب ما يحيد .............. تحياتي نبيل مصيلحي

أوباما يا نبيل يشبهنا
فى الشكل لكن فى المضمون
شىء مختلف واللى يراهن
عليه أكيد مش هايجيب جون !

اخي الموجي الكبير
اوباما زي بوش ريش الطاووس منفوش
لا تصدق اللي قالو ف الانتخاب د رتوش
هي موجة واحد الكل راكبينها
كم الف مرة نتخدع د حجة اللي ملوش
اصحى بقى يا شعبنا يا عشة المظاليم
مضى زمان الاقنعة الزايفة ويا وشوش
احنا املنا ف ربنا نصحى بقى م النوم
لما نقيم كلمته بالعدل هوا يحوش
ما شاااااااااااااااااااااء الله
قصيدة ولا اروع
روح وابداع ومعايشة مفيش بعد كده
والله لو يسمعو نصحي

اقول للتثبيييييييييييييييت بعد اذنكو طبعا

يسلم لسانك يا طنطاوى كلام معقول
لكن منين بس هانجيب ناس تودّى القول
لسكة الفعل ؟ والحُكّام بيتسابقوا
عشان ينولوا رضا ودعم (الطواويس) دول !

الكُفْر مِلّه وحيدَه والهدف واحد
يقضوا على كل راكع فينا أو ساجد
أعداء لدين المحبه والسلام والنور
لو يمشي جاحد هييجي بعدُه مِيت جاحد
[

color="blue"]

***

[/color]

العيب – ودا شىء أكيد- يا مصطفى فينا
احنا اللى بنروح لهم راكعين برجلينا
مع إنهم ( ريش على مافيش ) بس حُكّامنا
بيشوفوا فيهم حاجات مش باينة لعنينا !