اشكركم على هذه المجامله
كتب محمد فتحي المقداد. قراءة في رواية "قناع بلون السماء"» بقلم محمد فتحي المقداد » آخر مشاركة: محمد فتحي المقداد »»»»» النهار فى القرآن» بقلم اسلام رضا » آخر مشاركة: اسلام رضا »»»»» منذ قليل.....» بقلم الدكتور ماجد قاروط » آخر مشاركة: الدكتور ماجد قاروط »»»»» النهر ... وديدان الطين» بقلم محمد نديم » آخر مشاركة: محمد نديم »»»»» وحدوا الصف» بقلم عدنان عبد النبي البلداوي » آخر مشاركة: عبدالحكم مندور »»»»» قلقلة» بقلم محمد إسماعيل سلامه » آخر مشاركة: عبدالحكم مندور »»»»» في وداع الشيخ عبد المجيد الزنداني رحمه الله» بقلم طارق عبد الله السكري » آخر مشاركة: عبدالحكم مندور »»»»» احمد المنسي» بقلم احمد المعطي » آخر مشاركة: عبدالحكم مندور »»»»» أمّاه» بقلم محمد الهضيب » آخر مشاركة: عبدالحكم مندور »»»»» وأكلة قد مضت» بقلم عيسى سلامي » آخر مشاركة: عيسى سلامي »»»»»
اشكركم على هذه المجامله
الاخ الفاضل اكرم حسن
ابداع جميل
صوره حيه لواقع اليم
ادام الله قلمك................وفي انتظار المزيد
وتقبل مني كل الحب والاحترام................
علاء الحكيم
الشاعر البديع أكرم حسن أحمد
ذكرتني رائعتك هذه بقصيدة لنزار يقول فيها
"هل تعرفون من أنا
مواطن يسكن في دولة قمعستان
وهذه الدولة ليست نكتة مصرية
او صورة منقولة عن كتب البديع
والبيان
فأرض قمعستان جاء ذكرها
في معجم البلدان
وان من أهم صادراتها
حقائبا جلدية
مصنوعة من جسد الانسان
الله يا زمان"
أما قصيدتك بجمال صورها وروعة معالجتها واسقاطاتها الموفقة فأبهى من أن يكتفى أحد بالمرور عليها سريعا
ولعل لي عودة
دمت بألق
اخى ربيحة الرفاعى واخى علاء حكيم اشكركم على تواصلكم معى
يمكن حلاوة روح خلتنى اكون شاعر
السلام عليكم ورحمة الله وبركاته
أخي أكرم حسن الشاعر الرائع
ما هذه الروعة يا رجل
لم أقرأها أبدا إلا الآن
مش عارف انا قرأتها وعلقت ودي اخرى كتبتها انت ام ظني ليس في محله
رائعة اخي اكرم حسن
وتنزيلاتها وصوها صور شاعر متمرس
لو انها لم تثبت لثبتها لك
ولكن سبقني بها الآستاذ علاء كما قرأت في تعليق أخي نجم
تقبل فائق اعجابي وانبهاري بكل هذا الآلق وعافاك الله من بلاد ننجا او دنجا
اشكرك اخى الطنطاوى الحسينى
اشكرك كثيرا
وحشتونى والحمد لله انى رجعت بسلامة الله
كان يا ما كان
ف توته و بيت و ضلايا
و قصه حاسسها جوايا
بلاد واسعة على الأخر
ونهر طويل ما له نهايه
بلاد دينجا..
أميرها كان ديموقراطي
حاكم شعبه ..
وبرهبلاده بيطاطى
و شعبه عشان .. ما هوش لاقي
في جيبه ما فيش..
يا دوب هدمه..
و لقمه تكفي..ما تكفيش
فكان راضي
بناتها حلمها ف طرحه
بنات..
الدبله ف ايديها..
بقالها سنين ..علي يمنها
بنات.. الدمعة في عنيها
سنين الوحده تقتلها
بنات..
تبص ف يمنها.. و ف شمالها
ما فيش حاجه
و ناس بتموت و محتاجه..
و نهر.. بيجري ع الفاضي
و خيرها كتير..و مش لينا !!
لأبن البيه و لــــلــباشــــــــا
و انا و انت ف كماشه !!
في كفر ف حي و ف حاره
غلابه كتير و منداسه
و لسه قلوبنا ..حساسه !!
أمير دينجا..
طلب منا.. نقول أحلامنا قدامه
كتير قاموا
كتير قالوا
و معرفشي لفين راحوا
اخويا و قام يقول حلمه
خادوه على فين ؟!!
مانيش عارف
ومش حلمه
دا حلم كتير
دا حلم الجيل
ماهوش بايع
لكن ضايع عشان كوسه
و مش حلمه ف لمسة ايد وتسبيله وكام بوسه
لكن ماسروق ومين سارق ؟
لكن منهوب ومين ناهب ؟
وقالوا .. بلدنا محروسه
وجي دورى اقول حلمى
اقول حلمى ؟؟!!
ودينجا بحلها محبوسه
حلمنا كتير..
لكن كوابيس بتتحقق
كتمنا الحلم جوانا
رسمنا البسمه ع الخدين
نشوفها ف بعض فنصدق
اقول حلمى ؟!
انا خايف .. ولازم اقول
فقلت أنا حلمى أشوف ضلمه
وناس حلوه .. وناس ظلمه
وفيجا كتيره و فياجرا
شبابنا معادش فيه قدره
ورقاصه وواد طايش
ف قالوا ..عبيط .
ف قولت.. عبيط و بيرياله
لكن عايش
دا ناس حلمت يكون ليها
و طلعة هي مدانه !!
و ناس حلمة بحبة عدل
ف صبحت جوه زنزانه !!
وناس حلمت بدبله وطرحه زغروته
فاصبحت جوه دوامه !!!
كتير شوفنا
كتير تهنا
و تاه الحلم جوانا
أمير دينجا
فتح دينجا بشكل عجيب
عشان دينجا
تكون دينجا
لكل غريب
و خد من قوتنا و اداهم !!
ف وقت ما جوعنا هناهم !!
وقت ما موتنا علاهم!!
انا و انت نجوع نعطش و نتعرى
و خير دينجا يروح بره
متين مره بموت ف اليوم
و نفسي ف يوم ..أعيش مره
و اشوف القبض بيكفي
و بات ف بلادي متدفي
و اقول الحق
الاقي الحق من صفي
عملنا كتير وبادينا
و طلع الحل مش كفي
و شوفت كتير
شجر مانجا ما هوش طارح
وشوفت حنان كتير جارح !!!
وغصن زاتون طارح خنجر
و قصر كبير ف جبّانه
و غول طايح
وعدنا كتير يجيب لينا
لقينا الجي مش لينا
اتاري الجاي كان.. رايح !!!
وقول لك أيه
مانيش عايز
عشان دنجا
بتدى الجايزه للجايز !!!
وتدى الفيزه للفايز !!!
وتلقى الحق ..للظالم
وتلقى السجن للمظلوم !!!
وتلقى المنحه ..للمانح
وتلقى المحنه للممنوح !!!
بنغرق واحنا مش حسيين
منين تيجى سفينة نوح
ويطلع فينا كام شاعر
فايكتب نوح
ويكتب صوره معكوسه
فانلقى خيرنا ف الكوسه
عشان الصدق مش مسموح !!!
بقول لك أيه
بلاد دينجا
ماهيش بلدى!!!!!!!!!!
بلاد دينجا
ماهيش بلدى!!!!!!!!!!
وبحمد ان انا ف بلدى
وخير بلدى
عشان للفرد كام شقه
و بزر اسود ف بطيخه
بلاد دينجا..
ما فيش بطيخ و تعبانه !!!
مؤلف دينجا كنت انا
عبيط وأهبل وبرياله
عابيط وأهبل
وبرياله
......
.....
....
كلمات /أكرم حسن
بلاد دينجا لسه 000000000000000000