برجالاته

اشكرك استاذ طنطاوى
على تعليقك الجميل

كل عام وانتم بخير
مولد النبى

رقيتك 00
وإسترقيتك
لم بخورك
فتًح كل نوافذ نورك
دق الزار
ارمي الكوديا في حضن النار
مش ملبوس
احرم نفسك( 70 ) ساعة
من تهويم الناس
يمكن ترجع زى ماكنت
ليك إحساس
ارجع تاني للحواديت
ميّل كتفك ع الأحلام
احلم وارجع بالايام
علّق روحك في الابريق
ابلع ريقك ريق ورا ريق
مش محسود
عود للدنيا الخوف مرفوض
مش ملبوس 00
مش محسود
اطلع اعلي جبال الخوف
و إحدف نفسك 00
حضن الله0

بلا رقيّتك بلا أحلام
دَ خراب ودمار
دَ كلام مش سهل

دَ كلام غارق في الأوهام
دَ حرام في حرام
يعني احنا فجهل !؟

ناس بتحب تداوي جروحها
بْزار وبْنار وبلعب قمار
ناس قلالات عقل

بتصيّف على شط الغدر
المتغطي بدم الأحرار
ناس مَلهاش أصل

ناس إدمانها تعيش في الوحل
راضعه حليبها خيانة وزُل
تتمرغ في تراب الجبن
بطاعة وتبني قصور من رمل
****
تكون القصيدة أجمل ما تكون ، حين تشحذ قريحة قارئها ليقول فيها مؤيدا أو معارضا
الشاعر فتحي نجم ... قلت وابدعت
دمت متألقا

اشكرك استاذة ربيحة
تحياتى للاردن

اشكرك استاذى طنطاوى
تحياتى لابداعك
ونظرتك الثاقبة