- سؤال محتاج إجابه -

	يا سؤال ف القلب حاير نفسي ألقى لك إجابه يعني إيه معنى الغرام؟ ولا إيه معنى الصبابه؟ يعني اداري جوه قلب القلب حبك!! ولا اقول وانطق واعيش احلم بقربك!! ولاّّّّّ أحيا لِك سنيني واوهبك شوقي وحنيني! وابكي طول الليل ف بعدِك واحلم اني أبقى وعدِك واكتب المراسيل عشان تنطق بشوقي ولاّّّّّ اسيب حبك بيجري من سكات داخل عروقي! ولاّّّّّ أرسم قلب طالع منه سهم عليه حروفك! ولاّّّّّّ اخرّّّّّّج قلبي منّّّي عشان أحطه ما بين كفوفك! ولاّّ اسبلِّّّّك عيوني! ولاّّّّ اقولك انتي ساكنه ف بين جفوني! ولاّّّّ اكتَّّّر ف الهدايا ولاَّّّّ اقول انك منايا ولاّّّ إي أصل الحكايه؟! ولاّّّّ انا غلطان لأني بدأت افكَر م البدايه! يعني إي طيب قوليلي؟ يعني أسهر ليكي ليلي!! ولاّّّّ أرحل وانسى حبك! ولاّّّّّ اعيش تايه دليلي!! فهميني المعنى إيه! ولاّّّ هوا الحب عيبه للغلابه ؟! يا سؤال ف القلب حاير نفسي ألقى لك إجابه يعني إيه معنى الغرام؟ ولا إيه معنى الصبابه الشاعر / أحمد موسي

هذه القصيده من قديمي ولكن أحدثت بها بعض التعديل
لتكون ردا على قصيدة أستاذي / مصطفى عمار
- يعني إيه كلمه بحبِك-
الرجاء التعليق عليها

اقولك معنى الصبابة للغلابة
بجري دايما جوه يومه
يبكي ويقطع هدومه
هل يأكل في العيال
ولا ياكل العيال
السؤال محتاج سؤال
اخي احمد اصفق لك بحرارة يا شاعرنا الجميل
ولكن بص بقى لقضايانا شوية يا مبدع
اخوك طنطاوي
لي شرف المعانقة الاولى للجمال

السؤال لاهو صعب ولا يحير
اسأل قلبك ع الإجابه
انت مبدع حقا ومشاعرك فياضه
ولكنى عاجزه عن الرد
أعزرنى

ههههههههههههههههههههههههه هههههههه
انت عاوز اجابة تبقي مش حتكتب شعر يا احمد لازم ميكنش للسؤال بتاعكاجابة


الاجابة في السكوت
جو قلب الصعب فوت
لو عرفت المعني موت



خالد الهواري

اقولك معنى الصبابة للغلابة
بجري دايما جوه يومه
يبكي ويقطع هدومه
هل يأكل في العيال
ولا ياكل العيال
السؤال محتاج سؤال
اخي احمد اصفق لك بحرارة يا شاعرنا الجميل
ولكن بص بقى لقضايانا شوية يا مبدع
اخوك طنطاوي
لي شرف المعانقة الاولى للجمال

فعلاً
السؤال محتاج سؤال
والإجابه شئ محال
لا الغرام نافع ف بلدي
إللي بتهد الأمال
ولا حتى الشعر نافع
إحنا عايشين ف الخيال
والألام زادت علينا
لما بينا الحمل مال
وان جاوبنا ف مره واحده
يبقي بنزيد الجدال
السؤال ملهوش إجابه
السؤال محتاج سؤال


أستاذي الغالي / طنطاوي الحسيني

أنا اللي ليا شرف معانقتك الأولى لنصي
أشكرك للحضور والمتابعه
أنا نزلت ياعم قصيدة "حلمي" بتتحدث عن
قضايانا كعرب وحلمي هو آخر كلمه فيها
ف انتظار التعليق

تقبل حبي
أحمد موسى

السؤال لاهو صعب ولا يحير
اسأل قلبك ع الإجابه
انت مبدع حقا ومشاعرك فياضه
ولكنى عاجزه عن الرد
أعزرنى

أشكرك أيتها الغاليه الكريمه

مين بس اللي مبدع
انتي مش عارفه نفسك كويس ولا اي؟
احنا بتعلم الابداع دا منك يا ولاء
ولا ناسيه " أحببتك قبل أن أعرف الحب"
كل ما أفكر اني شاعر اقول بص يبني واسكت
قال شاعر قال

دمتي بكل ود

اجبري بس انتي بخاطرنا ف قصايدنا كدا وخلاص

تقبلي احترامي يا أختي الحبيبه

أحمد موسى

ههههههههههههههههههههههههه هههههههه
انت عاوز اجابة تبقي مش حتكتب شعر يا احمد لازم ميكنش للسؤال بتاعكاجابة
الاجابة في السكوت
جو قلب الصعب فوت
لو عرفت المعني موت
خالد الهواري

الإجابه ف السكوت

فعلا يا خلود السكوت هوا افضل شيء

مش هشكرك طبعا للمرور والكلام دا
دا واجب عليك طبعا
ههههههههههههههههههههههه

دمت لي حبيبا غاليا والله

خالص حبي

أحمد موسى

مش جديد الجمال والذوق العالى عليك واللة يا أحمد

أعذرنى لعجزى عن الرد فكلماتى لن توفيك حقك
دمت مبدعاً
تقبل مرورى على متصفحك العطر

أستاذ / أحمد تقيأت هنا الجمال
بحق استمتعت بهذه الحوارية الثلاثية الرائعة بين عمالقة العامية في واحتنا
ابتسمت في امتنان قبل ماانصرف اليوم
وعلى قول أستاذنا الفاضل طنطاوي :
♦
♦
♦
♦
دمتم مبدعين

مش جديد الجمال والذوق العالى عليك واللة يا أحمد
أعذرنى لعجزى عن الرد فكلماتى لن توفيك حقك
دمت مبدعاً
تقبل مرورى على متصفحك العطر

الجمال هو مرورك العطر في متصفحي " هانيال"
والذوق العالي هو ما سوف يخطه قلمك العفيف هنا
في واحة الطهر والنبل والعفاف

أشكرك لطيب المرور وحسن المتابعه
وأشكرك ثانيا لهذا الثناء المحمود

تقبلي ودي واحترامي

أحمد موسى