هيه يمكن ماتعرفنيش
و انا يمكن معرفهاش
يمكن ما نشفش بعض ..
لحد الموت
بس اللي انا متأكد منه
ان دبيب خطوتها ..
لسه بيرن ف ودني
و بيعمل جرس موسيقي غير عادي جوايا
و مخليني متفائل على طول الخط
مع ان امبارح فكيت الخط
فتبعتر منه حروف
على ناصية شارع واحد اسمه الحظ
فكيت الحظ
ف تبعتر منه تشائم
و حاجات خليتني اخاف
الظاهر.. ان الواحد
لازم ما يخضشي
ف اشياء مجهولة
ويسيب نفسه..
للمناخير
يمكن ..
هتطرح منها البركة
في حاجات
مايعرفهاش