يا نار في الصدر اهمدي بتكوي فيا الكلام عمال علي بطال مالناش غير ربنا هو كبير متعال نشكي له من همنا وهو مطلع ع الحال ياربي فين القدوه ياربي فين المثال الدنيا صبحت عدم والحاله بقيت حال نسينا نحلم ببكره والأمل بقي شيئ محال وداير في راسي سؤال انت فين يا عم جمال ؟؟ الايد ع الخد تعبت والدمعة في العين ما نشفت والروح ف همومها تسأل انت فين يا عم جمال ؟؟ ياللي علمتنا يعني ايه وطنيه قلت هي قبل الزاد والميه رحت وسبتنا يا خال انت فين يا عم جمال ؟؟ ادينا متقطعين لا مجمعانا لغه ولا دين بقينا زي السمك بنتخبط يمين وشمال انت فين يا عم جمال قبل ما اكمل كلمتي اخويا يقول لي لأ من غير ما يعرف انا غلط ولا علي حق وحالنا اصبح حال انت فين يا عم جمال ؟؟ طول النهار شعارات نولع شمع .. ونلم شتات وطول الليل تخبيط بقينا زي الطبله و مسكوها لعبيط من امتي كانت القوة بتيجي يا ناس بالمال انت فين يا عم جمال ؟؟ في الفضا ليل نهار الردح حالفين ما يتقفل لنا جرح مهما تعبت تعليم وشرح عقولنا بقت صخور ف جبال انت فين يا عم جمال ؟؟ فالحين بس ف الضرب تحت الحزام سبنا الشرف ونسينا الكلام واحد بيندبح وأخوه بيطلب السلام الحقنا يا عمنا ميزان عدالتنا مال انت فين يا عم جمال ؟؟ انت فين يا عم جمال سايبنا ليه في زمن أندال ما عادش فيه اسود ما عادش فيه اشبال رحت فين يا عم جمال انت تهت ولا مت ولا سافرت ولا هاجرت اصلك يا عمي رحت وغبت وغيابك عن الأمه طال رحت فين يا عم جمال معرفتش تكتب وصيه نحافظ بدمنا ع الارض ديه بقينا شعوب في الدنيا منسيه ماتوا الفوارس والأبطال وانت مت يا عم جمال
يسعدني انتقادكم