السعاده
السعاده مش عباره
أو كلام مالوهش معنى
السعادة حس راقي
حتى لو ف بحورها ضعنا
واوعي تفتكرو السعاده
تبقى في الدنيا وأذاها
تبقى فيها اخترت موتك
وف حياتك خد عزاها
السعاده ف العباده
هي دي الفرحه الزياده
لو في يوم طاوعت غيرها
تبقى خارج عن مداها
هي دي معنى السعاده
اعرفوها بالبداهه
السعادة ف قلب راضي
مش في سيف ع القلب ماضي
مش ف ماده
أو ف زادي
أو ف دنيا
نعيمها فاضي
هي دي كل الحكايه
السعاده ف العباده