الرحمه لازمه للشفا
أصل الشفا يعني العلاج
والرحمة داء راح واختفى
مالوش رجوع
لازم نخلص علـْ علل
جوه البوادي والحضر
جوه النجوع
لازم نكمل كورسنا
ولو نجوع
فالرحمه لازمه للشفا
عشان ضمان بعد العلاج
مافي انتكاسة
أو
نجاسه
أو
حرامي للرئاسة
او
وزير
انااستويت سنين كتير
باتمنى ناري تنطفا
باتمنى اعبد ربنا
واتبع رسوله المصطفى
فالرحمه لازمه للشفا
حتى العباده كنت خايف منها
اصل العباده تئذي السياده
وتجنـًها
فيه ناس كتير اتعذبت
علشان بتعبد ربها
وعشان تنور قبرها
وموش بتعبدِ الْملاعين
أو فراعين أو بتعبد أبرهه
واللي بتستر نفسها واتحجبت
منها اللي مات واللي اختفى واللي اتنفى
الرحمه لازمه للشفا
يا اللي نويتوا تضعفوا
جيبواللي ماتو واختفوا
استسمحوهم واسألوهم
يعفوا وإعفوا إن عفوا
ولا الحياء منَا انتفا
الرحمه لازمه للشفا