شفت مصر وهى واقفه في الميدان
أيوه شوفت وشفت معها ألوف كمان
لاء كانوا ملايين مزروعين جوه الميدان
ناس بتهتف للضمير ناس بتدعي للرحمان
دا مسيحي جنب مسلم مهو إسمهم إنسان
اللي قاسى واللى داق ألوان من الحرمان
ولي طق من جنابه من ظلم ندل جبان
شوفت مصر أيوه شفت وقفه مع الجدعان
وقفه تزرع ورد بلدي وترويه حب وحنان
وقفه تهدى نسمه طرحه عطرها مسك وريحان
وقفه زي هـرم وسـد ونـيل بتعيد اللي كان
لما كانت مصر تاج للعزه على جبين الزمان