الزفة حاضرة يا عروسة
وليكـى على الخد منى مليون الف بوسة
يا احلى غنوة حضنتهـا شفايفى
يا مصــرنــا المحروسـة
النهاردة اقدر خلاص اترمى فى حضنك
النهارة من غير ما خاف اقدر اضمكـ
اقدر ازور اللى ماتوا واللى غرقوا
واللى تاهوا واللى رجعوا
واللى سكنوا جوه قلبكـ
تعرفى برغم الظلمـ اللى عم
والأيادى اللى متطلخه بالدمـ
وبرغمـ الضيق والكرب والهمـ
كان عندى امل
انكـ فى يومـ هتبقى ليه
وانا هيبقى ليكـى
وادى مهركـ بين ايديكـى
دمـ الولاد
صوت العنـاد
صرخة ميدان
والأصل عدل
من رب العباد
فشد الخيمـ يا باه
شكل القاعده هتطول
شد الخيمـ يا با ما انا قولت من الأول
ان احنا مش ماشين
وفى الميدان قاعدين
لحد ما السلطة للشعب تتحول
لحد ما الحسرة فى وش الكلاب تتجول
لحد ما الموكب يرجع كما الأول
فشد الخيمـ يا باه
شكل القاعده هتطول
فأصرخ بعلو الصوت
فكوا حزامـ الموت
اصرخ كفاية سكوت
الشعب خلاص سكن القصر
وصاحبنا مكـانه تابوت
والزفة مسمعه بالكون
وانتى اميرة الكـون
حبكـ ده شئ مجنون
والأرض نبع حنـان
وكفايـه يا مايـاه
جواكـى اعيش انسـان
جواكـى اعيش انسـان
كُتبت بتاريخ
4/8/2011
الساعة
4:00 مساء بتوقيت القاهرة