احنا اسفين ياريس

هخش على طول فى الموضوع علشان بس ....اللهم انى صائم

احنا اسفين ياريس
سكتنا تلاتين سنه
وياما العقل تيس
وشربنا الذل علقما
وقلوبنا بقت حزينه
والقضية بقت لعينة
والخير ساب وادينا
والسمسارة عرونا فى الهوا


احنا اسفين ياريس
ياما بتنا فى الشوارع
هتلاقينا فى الحوادث
كوم لحم يتسارع
والشباب منور عالرصيف
منين يجيب الرغيف
والمولد شبع تنضيف
كله جايز وايه المانع


احنا اسفين ياريس
العريس دخل فى الخطوبة
وجدودنا قالوا فى المثل
اوعى الطوبة تبقى معطوبة
مسك ايديها الفنجرى
ازاى؟ قال صلوا ع النبى
الكوشة ديت مطلبى
والزفة فى القايمة مكتوبة


احنا اسفين ياريس
بهية الصبيه ماتت
لما نيلها اتحبس سنين
والزهرة ع الغصن مالت
احنا اسفين على نفسنا
على ابننا وعلى بنتنا
كان فى حضن بيلمنا
وجلسة حب من الحزن شاخت


احنا اسفين ياريس
ياما شخرنا فى المنام
والحرية كانت يادوب
بنشوفها فى الاحلام
وبرضة المخبر فى عبى
ع السرير نايم جمبى
والمدام زهقت بسببى
وسلم سلم على الأحكام

أضحك الله سنك شاعرنا المكرم
ساخرة لاذعة مؤلمة غلفت جميعا بقالب خفيف يجعلنا نبتسم رغما ... ولكن بمرارة
دمت مبدعا
ومرحبا بك في ربوع الواحة
ونرجو التفاعل مع الأخوة الأدباء ليدوم التواصل الخيِّر
تحيتي الخالصة

احنا اسفين ياريس
ياما شخرنا فى المنام
والحرية كانت يادوب
بنشوفها فى الاحلام
وبرضة المخبر فى عبى
ع السرير نايم جمبى
والمدام زهقت بسببى
وسلم سلم على الأحكام

اخي الفاضل صلاح الحجري
سلام عليك ابدا
قصيدة ساخرة جميلة كجمال روحك
وبسيطة كبساطة ادائك و حداثة ابداعك
اضحك الله سنك
نصيحتي لك يا هندسة ان تقرا كثيرا و تسمع اكثر
حتى يستوي الوزن في اذنك وبعد ذلك على الورق
تقبل تحياتي وحبي اخي صلاح
دمت مبدعا

نص ساخر فيه من المرارة ما يحاكي الواقع ومن الشعر ما يعد بحرف رائع ببعض اهتمام وبناء لملكتك الشعرية بحفظ ما تستطيع من روائع العامية لضبط ذائقتك

بانتظار جديدك

تحيتي