أنا انسان
وبيهرب من جوايا الحلم
واخاف
لويوم العتمه تمر
ماانا كنت باخاف
م العتمه زمااان
وباتوه
لوتاهت منى
سنين العمر
واخاف
يسقينى الصبر بأيده
كاسات المر
أصل انا انسان
والليل....!
بيقوله عليه ستار
طب ليه بعبايته السوده
مكفن نور الفجر؟
وازاى بيكون ستار
وف طبعه يبان الغدر
والفجر
جباااان
خايف من سور السجن
وغدر السجان
لكنه بيحلم نفس الحلم
انه يعشش
جوه عيون البدر
أصل البدر
ليلاتى كان بيزور
كل بيوووت الكفر
زمان
تلقاه مايخاف الليل
فارس
وبيعشق موج البحر
يصحى الموج النعسان
ويطوف البدر ونور الفجر
يطووووف بشعاب المرجان
يتوضا معانا بنور الصبح
ويرجع تاني الفجر
ملاك
والحلم اللى بيهرب منى
مسيره يعود
وف كفه عيدان الريحان
ويشد بايده اوتار القلب
يدق القلب
ويعزف للنور الحان
وساعتها لا اخاف
ولا اتوه
ولا يهرب منى الحلم
أصل انا انسان