شفتك بتبكى
دموع وأنين
وشفتك ياغاليه
حزينه سنين
وشفت ف عنيكى
هموم السجين
يا مصر ياغاليه
بتبكى لمين
بتبكى لشبابك
شباب الميدان
بتبكى لبكرا
لأمس الجبان
بتبكى لمجدك
طواه الزمان
وفارس عشانك
نزف بامتنان
بتبكى لشمسك...لنيلك وهمسك
وخضره بريفك...وزرع وغيطان
ولا لخد طفلك ..مشرد مهان
ولا لضل نخلك ...وصوت السواقى
ولا لرمل ارضك
ماهو اللى باقى
ولا لفجر شقشق..وصلى الميدان
ولا لثوره قامت...تدق البيبان
تزلزل قوافى ...ف شعرى الل كان
مجرد امانى ....بقلبى الحزين
قوليلى يا غاليه بتبكى لمين
ولادك باعوكى ..ونصبوا الكمين
وصبحوا بفرقه وميت الف وش
ابص فعنيهم اخاف واجرى اكش
وطلعت وعودهم خسيسه وغش
......
وياما قالولى دا بكرا سعيد
هنحيا نطالب
بحق الشهيد
وهتفوا هنبنى ...وعصرك جديد
وهتفوا هنبقى....ايد جنب ايد
وهتفوا هنحمى...بأراده حديد
وقالوا هنشقى...وندى المزيد
شعورنا يقين....وعزمى شديد
....
وبعد الليالى وبعد السنين
صحينا نلاقيهم وشوش كدابين
قناع م الفضيله
وتحته لئيم
وشوش ك الديابه
وعايزينها غابه
ومسرح يموت خلف سورهُ الغلابه
ويفتح بيبانه لعرض الدياسه
وعهر الغوانى وسوق النخاسه
....
قوليلى ياغاليه بتشكى لمين
لناس عامله فيها
رجال مثقفين
لناس جايه تفرض.. تجارب شعوب
لاتؤمن بدين
..
باعوكى ياغاليه بحبة مصالح
وقالوا ياغاليه لا يمكن نصالح
ونسيوا ان فيكى ملايين بتهتف
دا مرسى اللى صالح
باعوكى ياغاليه باعوكى سنين
ورجعو يا غاليه ..يبيعوا الدين