إعلامنا يا إعلام خايبين

إعلامنا يا إعلام العار
يامولعها لليل ونهار
كل ضيوفك فتنه ونار
بيدقوا ع الشاشه الزارّ
ومخلل سمم افكار
فاكر الشعب دا شعب حمار
هيشيلك ولا يسئل مين
إعلامنا يا إعلام خاينين
*****
إعلامنا يا شلة حراميه
طابخين الطبخه وملوخيه
والمصلحه ألّافات مقضيه
ورجال اعمال مستنيه
ترجع تانى ع الطبليه
تلهط منا كل ثمين
اعلامنا ياحبة مجانين
جاى بتحارب بس فمين
وعاملى شيخ العارفين
وتفنن حبة تفاتنين
اعلامنا يا اعلام خاينين
*****
اعلامنا يا اعلام اذكيه
وبتشتم وتقول حريه
وراسملى كلامك وطنيه
واعراض الناس ليك تسليه
والكلمه بريئه ياذكيه
واللى يرد يقول يا رزيه
تعملوا يجى ألف كمين
****
اعلامنا يا اعلام سامعين
كل الناس هنا شاهدين
ليه بتسبوا لينا الدين
ليه اخباركوا فيها كاذبين
ليه بتصدر صوره لبلدى
كل قيمنا وحل وطين
اعلامنا يا اعلام مجانين
حبة جهله على خاينين
وشويه تلموا الخايبين
بتبيع بلدك بس لمين
بتوزع لحم المساكين
واقرب شارى ف رأيك مين
****
اعلامنا يا اعلام مش عادى
بتزور فى تاريخ اجدادى
وبتلوث افكار اولادى
وبتقلل من نهضة وادى
شمس الصبح شايفها تنادى
امسك دول واللهِ خاينين
***
اعلامنا ياحبة مجانين
بعتوا الارض وبعتوا الدين
بعتوا الماضى وبعتوا الاتى
بعتوا حتى صلاح الدين
ومفيش راحه للباقيين
اعلامنا يااعلام خايبين
****
اعلامنا يااعلام رقاصه
ومصدر وشك بتياسه
وردح وخيبه شتيمه خساسه
وسوسته جاى ومعاه هجاصه
وبيسخر من اصل الدين
اعلامنا يا اعلام خايبين
***
خرفنا دول ولا بنى ادمين
بتهاجم ناس مصريين
ويقولك دول ناس جاهلين
ومصيبه على كل جبين
عيب على اصلك يابن النيل
تشتم اهلك بلفظ مشين
دول ربوك على حب الدين
تستنكر بر الوالدين
والقرأن وايات الدين
***
اعلامنا يا اعلام المال
وفلوسكم بره احمال
شيل على كتفك تل جبال
بكرا الدور جاى للحلويين
ونطهر مصر وزبالتكم
ومن ع الشاشه نقول بلوتكم
وهنفضحكوا بعتوا بلدكم
اصل الكدب ملوش رجلين
اعلامنا يا اعلام خاينين

إعلامنا لايقل فسادا عن حكم مضى بكل مساوئه
ندعوا الله أن يفتضح سترهم أكثر
انهمار جميل وفي الصميم علها رسالة تصل وإن شاء الله يتم بتر كل يد عبثت قاصدة بمصرنا سوء
دام ألقك شاعرنا الفاضل
ومرحبا بك في واحتك
تحاياي

إعلامنا لايقل فسادا عن حكم مضى بكل مساوئه
ندعوا الله أن يفتضح سترهم أكثر
انهمار جميل وفي الصميم علها رسالة تصل وإن شاء الله يتم بتر كل يد عبثت قاصدة بمصرنا سوء
دام ألقك شاعرنا الفاضل
ومرحبا بك في واحتك
تحاياي

اشكر دوام المرور وحسن الرد الذى يثلج الصدور
تحيتى اختى الكريمه
وبالتوفيق

فعلا يحتاج لتوفر المهنية والحرفية ، ولكني متوقع انضباطا في الحركة الإعلامية في الفترة المقبلة إن شاء الله .. كل ذلك ناتج عن توتر الوضع السياسي والأمني والاقتصادي .. فهذا مؤثر لحد كبير

رائع شاعرنا
لا حرمنا مواكبتك للحدث

تحيتي

حمادة الشاعر
أديب ، وشاعر

بتوزع لحم المساكين
واقرب شارى ف رأيك مين

السلام عليكم ورحمة الله

شاعرنا الفذ

صدقت وشرحت وبلغت عن وضع قائم

راقني ما نتج عن فكر متجدد مساير للحدث

تقبل مروري وتحيتي