انتِـخِـب ... بقلم / هاني جمـال الديـن
انتِخِـب
" انتِخِـب "
" صُوتـَـك أمَـانة "
قـُوم وشـَارِك
يللا سِيبـَك م الكـَسَل والإستهَانة
يللا " مَارس حقـّك الدُستـُوري " .. قــٌوم واهتِف وَرَانا
عاشِت البَلـد الفـَتِيّـة
عاشِت الأمّة القـَوِيّـة
عِـشت دَايماً فوق يا " وَطني " ..
والحُكومَة مِـيّة مِـيّة
والقِـيَادَة هِيّـا هِيّـا
والديمقراطِية طبعَاً انك تِنتِخِب .. أيوَة امّال ايه
بَس لازم تِنتِخِب .. اللي بنقولك عَليه
أمّال انتَ فاكِرهَا سَايبَة وللا إيه ؟
طب هتـَاخـُد مِـيت جنيه
طب هاندّيلك عليهُم كيلو لحمَة أو بَانِيه
بَس عَـلـِّم يللا واختار " وَطني " بيه
إنتَ هَتغلـِّبنا ليه ؟؟؟
تِـبقى إنتَ مِش " وَطني "
و كارِه للوَطن
تِـبقى مَحظور
أو عَميل للي يدفـَع أعلَى يا رخِـيص التـَّمن
إنتَ صُوتك كان أمَانة
لمّا كان عـَقلك ف رَاسك
و امّا كان قلبَـك مَـعَانا
و انتَ تِسوَى إيه لولانا ؟
صُوتك المَلعُون هناخدُه .. بالرّضَا أو بالإهَانة
فاكِـر امّـا قلتلك " مِن أجلك انتَ " إيّاك تِسيبني
و امّـا تاني قلتلك " مِن أجل أولادَك " .. يا إبني
جايّ دِلوَقتي تلاعِـبني ؟؟
واضِح انـّك مِش بتِفهَم قـَصدِي مِن كـُل الرّسَايل
بَس لازم يُوم هاتِفهَم
م العَمَايل
هاني جمال الدين
نوفمبـر 2010
رد مع اقتباس
المشاركة الأصلية كتبت بواسطة رنيم مصطفى
