وفر لنا الحشيش أنا مشقادر تعبان
رسالة مواطن إلى الدون جوان
الوسيم مدوخ عقول النسوان
تقولش فشر القصري أيام زمان
وهو المطلوب من المواطن الغلبان
يلف طول يومه حولين نفسه جعان
هو وعيالة العيش ما بيكفي وعريان
وطن الحضن مفهوش زاد ولا امان
عايز يتوه وينسي دنيا فيها الغيلان
والابن بلطجي والبنت سايقة العوجان
الشرف والأمانة كلام على الحيطان
عايش دنيته لاهو انسان ولا حيوان
شيل وحمل الوكسة عندنا أطنان
العلاج بالكفتة والشعب في التوهان
رجعنا الوسيم لإيام جدك زمان
للفحم والكانون والجاز يا مان
والمواطن بين الأسعار والبطالة حيران
مصر بترجع لوراء وهتخبط في السودان