عاللومة وبفرح فيكي
يا أحلى وأغلى شريكة ي
في شِعري ابعت ليكي
ومضة مع هالنجوما
شِعري فيكي بِيهلّي
انتي من أغلى أهلي
في حيفا وغزة وسهلي
شِعرك يسعِد باللوما
نظرات فى مثال متلازمة ستوكهولم حينما تعشق الضحية جلادها» بقلم اسلام رضا » آخر مشاركة: اسلام رضا »»»»» نظرات في مقال أمطار غريبة» بقلم اسلام رضا » آخر مشاركة: اسلام رضا »»»»» نظرات في مقال ثقافة العين عين الثقافة تحويل العقل إلى ريسيفر» بقلم اسلام رضا » آخر مشاركة: اسلام رضا »»»»» الغرق فى القرآن» بقلم اسلام رضا » آخر مشاركة: اسلام رضا »»»»» قلقلة» بقلم محمد إسماعيل سلامه » آخر مشاركة: أسيل أحمد »»»»» رسالةٌ إلى لا أحد» بقلم العلي الاحمد » آخر مشاركة: العلي الاحمد »»»»» قراءة في مقال ثلث البشر سيعيشون قريبا في عالم البعد الخامس» بقلم اسلام رضا » آخر مشاركة: اسلام رضا »»»»» مسـار» بقلم الفرحان بوعزة » آخر مشاركة: الفرحان بوعزة »»»»» الامثال المصلاوية» بقلم خليل حلاوجي » آخر مشاركة: ناديه محمد الجابي »»»»» علمتني الرياضيات.» بقلم أسيل أحمد » آخر مشاركة: ناديه محمد الجابي »»»»»
عاللومة وبفرح فيكي
يا أحلى وأغلى شريكة ي
في شِعري ابعت ليكي
ومضة مع هالنجوما
شِعري فيكي بِيهلّي
انتي من أغلى أهلي
في حيفا وغزة وسهلي
شِعرك يسعِد باللوما
الأخضر العربي
عاللّومَة وْخَلَّكْ شاهِدْ
يا طورِ الأرْضِ الصّامِدْ
إنّو القَبْرِ اللّي دَسّو
بِطُهْرِ تْرابِكْ هالحاسِدْ
ما رَحْ يِشْهَدلو بإنّو
مالك هالأرْضِ المارِدْ
وْما رَحْ يِثْبِت للعالَمْ
إنّو عَتْرابَكْ خالِدْ
يا طور بْلادي وْقُدسي
رَحْ ييجي اليومِ التِرْمي
مِنْ بَطْنَكْ آخِرْ عَظْمِه
دَسّا بْتُرْبَكْ شالوما
عاللومة ومحلى الكلمة ي
للقدس بنرسل بسمة ي
بصلية بارودة بنحمي
وطن صاير مظلوما
دخلك يالطير الشادي
مُرّلي على بلادي
حيفا بهواها النادي
تسحر قلبي المكلوما
بالله توصل سلامي
للفاتن والعمام ي
حيفا أرض الكرامة ي
تحرِم صهيوني النوما
عاللّومَة وْهَجّو النَّاسِ
يومِنْ بالخوفِ تْعَبّو
تَرَكو بيتُنْ للضايِمْ
وطِفْلُن بِمْهيدو نايِمْ
وْخَلّو المِفْتاحِ بْيَدُّن
تَيْذَكِّرْ دومِ بْعَجْزُنْ
وهالصّهيوني هالفاجر
جا صوبِ بيوتُن داعِرْ
أخَذِ البيتِ بْعَفْشاتو
وِتْبَنّى الطِّفْلِ العاثِرْ
صارِ فْلِسْطيني مْهَجّن
وْمِن أحَمَد خَلّوه زيمِر
وِبْجيشِ العادي تْجَنّد
يُضْرُب خيّو وعْمومَه
عاللومة اللد بتبكي
جامع دهمش والبِركة ي
قتلى والدم بيحكي
قصة شعبي المكلوما
في عكا سمّوا الميّة ي
فعل ولاد الحرامية ي
صهيوني بكرة ليي
جيشي يحرر الكروما
عاللّومة وعلى التلّة
وعا سلكِ الدَمِع يَللّي
بِكيِت جنبو الثّكالى
وماتت لِرْجالِ بْهَمّا
يا مَجْدَلْ شَمْسِ الحُرّة
يَلّي للشَّمِسْ غُرّة
دمعات عيونِ وْلادِك
عشفافِ الشَّفَقْ مُرّه
وْدَمِّ كْبادِكْ هالماتو
بِلغامِ الغاصِب جَمْرَة
رَحْ تِحْرَق جورِ الظّالِم
وتبَدّد سيلِ سْموما
والأرضِ الحرّة تِرْجَع
لشَعْبا هالمَهموما
عاللومة ومجدل شمس ي
جيتا بغياب الشمس ي
بحرب تشرين الهمس ي
سرّي صاير معلوما
يا جبل الشيخ البَرَكة ي
طلعتو بيوم الدبكة ي
التلفريك لو يحكي
جيتو بعزِّ الصوما
يا فاتن قلبي مطفي
قِدتيه بنار الزحف ي
كريات شمونا ونَحْف ي
تشهد عليا اليوما
عاللّومة وْجَبَلِ القُدْسي
طافِحْ بجْنودِ وْتِرسي
يِحْتِفلو بْقَتْلى راحو
فِدْوا للحِلْمِ المَنسي
وْشَعبي مْشَتّت يا كِبْدي
في كلّ بْلادِ العالِمْ
لا فيّو يْشوف الأقصى
ولا فِيّو يْشيلِ الغَصّة
مِنْ قَلْبو وِلِهْموما
عاللومة وهادا الببكي
خزري بملامح تركي
والحيطة لمَّا بتحكي
تلعن إدْنَهْ و شالوما
والفاتن لا ما بتشكي
شعبي تشتت بلعركة ي
دعوة للوحدة بتحكي
شعب بقلبو ملموما
الأقصى بينادينا
القيامة عم تحكينا
قصة وطن ومرتينة ا
تحرم صهيون النوما
أعجبتني تلك الزجليات
رغم أن اللهجة صعبت بعض الشئ لكني شعرت جمال حرفها
مرور أولي وأعود من بعد إذنكم
دمتم بكل إبداع
تحيتي
حمادة الشاعر
أسعدني بإضافة facebook
mohammad shaban