خلص الكلام
خلص الكلام
وانقرى كل الكتاب
وطويت بايدى صفحته
لكنّى منسيتش اللى فيها
غصب عنى
عمرى مانسى جرحه فيا
والقساوة اللى ف عنيه
مش بايدى غصب عنى
كل مابدا من جديد
وافتح القفل الحديد
واحسب الحسبة واعيدها
بفتكر كل اللى عدى
اما بــــاع
واما ساب قلبى يعانى
واما لف وشاف قلوب تانية ورمانى
واما مل من القلوب التانيه جالى
اصله ملقاش زى قلبى...ام رجعلى
لسه مشتاق للخـداااع؟!
بفتكر لحظة ما سابنى
جوه منى جرااااح كتيرة
بفتكر يوم الـوداااع
بفتكر كام لحظة مرة قلبى عاشها
بفتكر دمعة عنيّا اللى قلبه ياما شافها
كنت ببكى لحظة اما بشوفه جنبى ومش معايا
لما بضحك كان بتنطق عينى من فرحى ورضايا
كات سعادته ليا نعمة كات منايا
بفتكر كل الكلام ....واللى كان
زى سكينة بتدبح جوه منى
كل ما افرح ليه يضيع الفرح منى؟!!
ليه تملى الخوف حاضنى؟!!
ليه بيمنع قلبى يفرح او يغنى ؟!!
واما كان بيشوف دموعى
ولا بلمح حتى خوفى.....مش بيجى
مش بيجى يمسح الدمع ف عنيا
ولا يوم طب طب عليا
م النهاردة همحى صورته من عنيا
وانسى شوق قلبى لقلبه ولهفتى وانسى اللى بيا
هرسم الفرح ف عيونى
واحبس الدمع ف جفونى
انه ينزل او يلامس حتى خدى
همنع القلب انه يحزن
وانسى خوفى وضعف قلبى
وابقى اقوى من جراحى
والامل والحلم دربى
والامل والحلم دربى