أمي البهية
مليون تحية لأمي البهية
مليون تحية و إلى الأبد
من كل روح ساعِة وِلادَة
وكل شاب وكل أب
وكل ما يزيد العدد
من كل قلب داق طعم حُب
وكل اللي شافها بتقول يا رب
وف وقت شدة بتقول مدد
....................
من كل حامي لأرض وطنه
عرف معاها معنى الإرادة
ومعنى التحدي ومعنى الجَلَد
...................
من كل مشتاق لحضن أم
وكل مؤمن صلى وسَجَد
مليون تحية لقلب غالي
ودعوات تطول مَلْهاش عدد
.................
يا ربي بارك في كل أم
واحفظ وخَلْلِي بنت و ولد
في كل نسمة وكل لحظة
معاها دايما عشنا في أمان
عشنا في محبة لمة أحبة
الدنيا بيها فرح وسَعَد
مليون تحية لقلب أمي
مليون تحية و إلى الأبد
شعر د. هاني أبوالفتوح