الجزاء

ها وبعدين روحت لفين
روحت لخالي لقيته مشغول
نزلت بسرعه اجري وادور اسال انادي برضو محدش شاف حسنين
روحت الغيط طلعت المادنه ورحت كمان عند الكتاب
برضو محدش شاف حسنين
ليه ما سالتش عند كريم
ايوه يا عم ما انا روحت هناك ولما حكيت له الوضع اتبرجل
وقال اكيد راح ياخد الجرعة
جرعة ايه؟
قال لي اخوك مدمن هيروين
يا نهار اسود زي الطين
او مين دا اللي بيديله هيروين

قالي الواد كرم ابو سعفان

ها اوبعدين
روحت هناك
ايوه يا عم انا روحت هناك قال لي دا لسه واخد الجرعة
وخد الشله اوراح عالترعة
قمت انا زي الرهوان اجري بسرعة رايح عالترعة
وصلت هناك كان نفسي خلاص باقي منة شوية او يقطع

ها اوبعدين شفته هناك
ايوه يا عم انا شفته
لقيت اصحابه عاملين قرعة للي يعوم ساعتين في الترعة
وجت القرعة علي حسنين
الواد مسطول رمي نفسه علطول في الترعة منغير حتي ما يقلع هدمه
مع انه مابيعرفشي يعوم
من اول غطسة اوفي الثانيه ماقبش
في وقفة مين خالتي ام السيد وبهية
وبسرعة رقعت علطول بالصوت الحياني اتقول صوتي يا بهيه الواد هيموت جوه الميه
نزل اولاد الحلال علي طول
طلعوا حسنين والواد مسطول
وسابوه علي شط الترعة اما ايفوق
وبعد ما فاق وديته البيت وقلت له كده يا حسنين تتعب قلبي انا وامك واخوك مرزوق
بس علشان تعرف
ان دي لك عبرة وللي في سنك واللي ابياخد علطول جرعة لازم يحصل له اللي حصلك
لازم يحصل له اللي حصل لك

أهلاً بك أخي حسام محمد حسين
جميلة الفكرة وحقيقي فإن الكثيرمن الشباب اليوم هم أزمة كبيرة من جراء الإدمان الذي يفتك بالكثير من الناس
القصيدة بحاجة لتنسيق وضبط الوزن فياريت أخونا الشاعر أحمد فؤاد يعطينا مشكوراً رأيه بالزجل المصري الجميل هنا
دمت بخير
أختك
بنت البحر

مرحباً بك أخي الكريم / حسام , و مرحباً بزجلك الجميل , و أجمل ما في زجلك , أنه يتحدث عن قضية هامة جداً في مجتمعنا , و ألا و هي الإدمان.

بالنسبة للقصيدة من ناحية التنسيق , فكما تفضّلت الأخت الفاضلة / زاهية , فهي تحتاج لبعض من التنسيق و ضبط الوزن .



لي ملاحظة بسيطة , الإفتتاحية كانت " ها وبعدين رحت لفين " , و هي من المُفترض أن تكون إكمالاً لحديث ما ,و ليس كبداية , فمثلاً من الأنسب أن تكون الإفتتاحية كالتالي " يا بن حسين رحت لفين " . ( هذا رأيي الشخصي فقط ).


, ثم تأتي " ها و بعدين " بعد أن تبدأ الإفتاتحية و يتم الرد عليها , لتُصبح هكذا ...

يا ابن حسين .. رحت لفين

رحت لخالي .. لقيته مشغول

ها و بعدين


ثم تكمل بقية القصيدة


****


بالنسبة لتلك القطعة

نزلت بسرعه اجري وادور اسال انادي برضو محدش شاف حسنين

ستصبح أسهل و أجمل , إذا ما حذفت منها الجزء الزائد منها , لتصبح كالتالي

جريت أدوّر .. أسأل .. أنادي .. برضو محدش شاف حسنين

***

برضو محدش شاف حسنين
ليه ما سالتش عند كريم
ايوه يا عم ما انا روحت هناك ولما حكيت له الوضع اتبرجل
وقال اكيد راح ياخد الجرعة

هذا الجزء رائع جداً موسيقياً , و لكن - من رأيي الشخصي - أنه يحتاج لتعديل بسيط جداً

" أيو يا عم ما أنا رحت هناك " يُفضّل حذف ( ما )

" و لما حكيت له الوضع ابترجل " , تُقلب (لمّا ) إلى ( ومّا ) , أي إضغام اللام حتى لا تنطق لسهولة النطق.


"وقال اكيد راح ياخد الجرعة" , تُحذف الواو في بداية الشطر , و تُضاف ياء المُتكلك لـ( قال) .


ليُصبح الجزء بعد التعديل كما يلي


روحت الغيط طلعت المادنه و رحت كمان عند الكتاب
برضو محدش شاف حسنين
ليه ما سألتش عند كريم
أيوه يا عم انا روحت هناك .. وَمّا حكيت له الوضع اتبرجل
قالي اكيد راح ياخد الجرعة
جرعة ايه؟

*****


بالنسبة لهذا الجزء

ايوه يا عم انا روحت هناك قال لي دا لسه واخد الجرعة
وخد الشله اوراح عالترعة
قمت انا زي الرهوان اجري بسرعة رايح عالترعة
وصلت هناك كان نفسي خلاص باقي منة شوية او يقطع

يحتاج لمزيد من الضبط , لعدم استقامة الوزن الموسيقي فيه


و على سبيل المثال يتم التعديل ليُصبح كالتالي

ايوه يا عم انا روحت هناك قال لي دا لسه واخد الجرعة
إلحق يلا شوفه عا الترعة .. ويّا اصحابه
قمت أنا جري أسابق الريح

ها و بعدين شوفته هناك
....



****

ها اوبعدين شفته هناك
ايوه يا عم انا شفته

يُفضّل أن يكون الشطر الثاني هكذا

ها و بعدين .. شفته هناك
أيوة يا عم أنا شفته هناك


*****

بالنسبة لهذا الجزء

الواد مسطول رمي نفسه علطول في الترعة منغير حتي ما يقلع هدمه
مع انه مابيعرفشي يعوم
من اول غطسة اوفي الثانيه ماقبش
في وقفة مين خالتي ام السيد وبهية

أيضاً يحتاج للتعديل , حيث أنه غير مضبوط

مثلاً يتم التعديل كما يلي


المسطول رمى نفسه قوام
من غير حتي ما يقلع هدمه
غطسه .. التانية .. مَقّبش منها

***

وبسرعة رقعت علطول بالصوت الحياني اتقول صوتي يا بهيه الواد هيموت جوه الميه

التعديل

صرخت و الخوف جوّايا , الحقوا جري ابن بهية
المسطول هيموت في الميه

نزل اولاد الحلال علي طول
طلعوا حسنين والواد مسطول
وسابوه علي شط الترعة اما ايفوق

نط راجل ابن حلال جوه الترعة
طلّع منها الواد حسنين
و سابو عل الشط لمّا يفوق



*****

وبعد ما فاق وديته البيت وقلت له كده يا حسنين تتعب قلبي انا وامك واخوك مرزوق
بس علشان تعرف
ان دي لك عبرة وللي في سنك واللي ابياخد علطول جرعة لازم يحصل له اللي حصلك
لازم يحصل له اللي حصل لك

التعديل


و بعد ما فاق و ديته البيت
قلتله .. هيّا حصلت الهيروين
تتعب قلبي أنا أمك ليه
و تتعب قلب أخوك مرزوق

يلا أهي عبرة عشان تتعلم
آخر سكة الهيروين
لازم يحصل اللي حصلك
لازم يحصل اللي حصّلك

****



كانت تلك هي مجرد وجهة نظر , لتُصبح زجليتك رائعة , و على أكمل و جه .

أعتذر عن الإطالة , و أتمنى أن يكون صدرك مُرحّباً بوجهة نظري المُتواضعة.


لك من أطيب التحية


أحمد فؤاد

الاستاذ / احمد فؤاد
في البدايه يسرني جدا انك قرات ما كتبته
وارحب بالاضافات التي اقترحتها
الا ان البعض منها قد يغير ما قصدته من هذا الشطر
ولك الشكر مني والتقدير علي التعديلات المفيده لما كتبته

الاستاذ / احمد فؤاد
في البدايه يسرني جدا انك قرات ما كتبته
وارحب بالاضافات التي اقترحتها
الا ان البعض منها قد يغير ما قصدته من هذا الشطر
ولك الشكر مني والتقدير علي التعديلات المفيده لما كتبته

أخي الحبيب / حسام

الإضافات التي قُمت بإقتراحها , هي مُجرد اجتهاد مني , و ليس الغرض منها تغيير قصيدتك , و إنما ضربت لك أمثلة كي تحاول أن تقول ما تُريده بطريقتك الخاصة , بطريقة جذّابة مُمتعة .



لك مني كل التحية


أحمد فؤاد