أنا لك على طول
شعر : د. جمال مرسي
كنت أستمع لأغنية قديمة لعبد الحليم حافظ يقول مطلعها
" أنا لك على طول خليك ليه "
فعرفت كم هو الفارق بين الغناء القديم بشجوه و بين التهريج الذي يحدث هذه الأيام .
و على ما يبدو أن هذه الأغنية أبت إلا أن أجاري كلماتها
فكتبت :
" أنا لك على طول خليك ليه "
" خد عين مني و طل عليه "باسمعها و اشوفك في حروفها
تنده لي ساعة صبحية
و أعيدها كمان أسمع صوتك
و خيالك طاير حواليه
مرافقني و مش بيغيب عني
و تمللي منور لياليّه .
و أغمض عيني عشان أسرح
و اتخيل إيدك في إديّه
ألاقيك شمس بتبعت نورها
و دفاها لقلبي و لعنيّه .
و الاقيك أنهار سحر بتجري
و بتروي ورودي المطفيه
تكبر و تزهزه أحلامي
و ترجَّع نبض الروح فيه
لما اسمع صوتك يناجيني
الصبح و ساعة عصريه
و يقوللي بحبك يا حبيبي
انا لك على طول خليك ليّه
و دمتم بخير