يبه يا عراق.. يا عراق...

يبه يا عراق ...روحي تريد ليك ...
ودمّ شرياني دجله .... وللفرات اشتاك
يبه ياعراك...
يا جنة نخل ... من عالم الفردوس ..
على بيبان حبك تلتقي العشاك ...
يبه يا عراك ....
يا كصبة مضيف .. وكهوة الفنجان ..
وبجا نون حضنه ... مهدر التفاك ...
يبه يا عراك ...
طولت الزعل ... يمته انتراضه وياك ..
كله الناس ردت ..والربيع اشباك..
باك اجمل سنينك ..غاير دوم ...
وعلى ظهر العزم تفاك...
يبه يا عراك...
محد فزع ليك .. كلهك اتوالوك..
جيرانك قبل جنتلهم السباك ...
يبه يا عراق ....
من طاحت عكلهم ...طفح بيك الغيض ..
وتهزهز عكالك ...محد اتعناك ...
يبه يا عراك ...
بعد ما بيه اصبر ... والعمر صوبين
صوب الغربه ضيم ..وصوب يبجي افراك...
يبه يا عراك ..
جفك لامس خدود الفجر ...صدك صبحنه قريب
ساعات وتعدي ويطر بينه اشفاك...
ولدك عد غرب نامت غصب ..
وعلى ذرعان خيرك نام جم مزراك ...
يبه ياعراك ... يبه يا عراق

الاخ الحبيب الاديب عدنان الهلالي
اهلا وسهلا بك في واحتنا الغناء
اتمنى ان تكون احد فحول الشعر في هذه الواحة
شكرا لك على هذه القصيدة المؤثرة

حبيبي يا عراق

الهلالي..
غني للعراق..غني..
فما كو حد للعراق غير هله..
تقديري واحترامي
جوتيار

نعم ابكى ولنبكى معا على العرام
نعم اصرخ ياعراق ونحن ونحن معك
اللهم فك اسر العراق الاسير
واعده الى حضن عروبتة
وماضى عراقتة وحضارتة

دمت ياخى بالق

شكراا لمروركم الكريم اخواني جميعا اتمنى ان اتواصل معكم .......
شكراا لمنتداكم الرائع ...