علي بابك عزفت الناي.....
لانا نساي ولا قساي .....
ولا ناكر وعود ليكي
ومش نادم ولا عاتب...
علي قلبي اللي ما نسيكي
علي بابك نقشت حروفي وحروفك
ف لوحة الصبر...
بقلم الصبر..
ومدادي إيمان بيكي ..ما جاني الرد ..
ولا همسه
تحكيني وتحكيلي دموع عينك عن الاحزان
وانا عطشان ..
اعدي الباب وانا شايل حنين ليكي
تاخدني الغربه والتيار
وكان املي توصلني لاراضيكي
علي بابها انا عازف
وجرح ف قلبي انا نازف
لقيت منديلها فوق جرحي
نسيت ترحي وزاد فرحي ..وعلي بابها..
وقفنا نرجع الذكري
وعلي فكره
مسيري ف يوم اقول شعري
ويتفسر من العاشقين
نناديهم ينادونا
ينادونا ..نناديهم
وانا عازف
وعلي بابها مفيش سجان
ولوحة الصبر مرسومه
دي حروفي ودي حروفك
دي حروفك ودي حروفي
وصوت الناي بيتكسر ...
علي البرواز