زعلان انا منك
زعلان انا منك
واخد على خاطرى
كل الحبال بينا
دابة كما خطــ طرى
مش هترمى فى حضنك
ولا عمرى هشكيلك
فيكى نعومة الورق
بس انتى هشـ كيلك
زعلان انا منك
واخد على خاطرى
يكفينى حضن الورق
شيال هموم سطرى
يأم الخدود عناب
يكفيكى ما بيكى
من شكوتى مرة
مليتى .. فاض بيكى
لو يوم تعود لايام
دانا عمرى ما اشكيلك
من قهرى .. ليلى ما نام !!..
وهمومى مشــ كيلك
زعلان انا منك
بتان فيا آهات
بعدت انا ما شكيت
عدى بقى مسافات
من كام يوم زعلان ؟؟..
شوفى كام ليل مسا فات
زعلان انا منك
سقط الورق فصلى
بوح الورق كنزى
بوح الورق فصـ لى
زعلان انا منك
دمك ماهوش اصلى
عينتة برانى
حبك سكن قلبى
حاكمتة برانى
زارنى زمان طيفك
ملكتة جوانى
بحسبنى بين قلبك
اترينى برانـــى
حبى ماهو بكيفى
دى حكمة ( ربانى )
حاكمة سفن قلبى
ولروحى ربانــى
قلبك ماهوش صافى
حبيتة ربانى
روحى وانا وقلبى
لساكى جوانا
مهما اخد على خاطرى
برضو انتى جوا انا
زعلان انا منك
واخد على خاطرى
__________
اشرف المنســـــــــــــــى