أوعاك تقول.....
أوعاك تقول أنك صحيح بتحبنى
مش رايحه اصدق يا اعز الامنيات
اوعاك تقول انك صحيح لفيت بلاد
وغزيت ممالك
وبايديك خضت ف مهالك
وفتوحات
وجمعت من اعلى البحار اللؤلؤات
صارعت موج
وحاربت كل الجنيات
أوعاك تقول أنك عشانى عشت أقسى الامسيات
عديت نجوم وغزلت من ضى القمرالفوستونات
وكتبت فى عيونى غزل يهزم قصايد عنتره بكل اللغات
اوعاك تقول... ده انا عشت احلم يوم تجينى
و مهرى قلبك بين كفوفك والمشاعر دى حكايات
ولما حايلت ف سنينى
الاوان كان فات
وعايزين معجزه
وماعادش زمن المعجزات
عايده العشرى