وقالت لى : .......................
( سيب لى فرصة )
سيب لى فرصة
لما اراجع فيها نفسى
واوعدك ح اخد قرار
واللى بينَّا نأجله لبعد القرار
***
طول ما حسه الدنيا شايفاها بعينيك
وان رحلة عمرى خطوتها بإيديك
وان تغيب عن بالى لحظهبانشغل عنك وبيك
واما اشوفك بانسى روحى ونفسى فيك
يبقى دا مش حب لا
يبقى دا إسمه انتحار
سيب لى فرصة
لما اراجع فيها نفسى
واوعدك حاخد قرار
***
وان عرفت أخبى طيفك عن عيونى
وان لقيت النوم بدأ يعرف جفونى
وان عرفت أخطى خطوة ف رحلتى وانت بعيد
وان قدرت ابدأ حياتى تانى بعدك من جديد
يبقى كان إحساسى بيك
مش حب لكن
كان مجرد انبهار
الصديق علاء عيسي عاشق حتي النخاع
ما انتي يا ما من زمان
اخدتي يجي ألف فرصة
توهتي مني وانشغلتي
ليه رجعتي 00؟
هي دقة الحب
في قلبك ولاَّ قلبي
نقدر يا روحي نداريها
ولا لحظة لمَّا طيفك
ولا طيفي
يظهر في قلبك
ولا قلبي الحب فجأة
أحنا لينا دخل بيها
****
مش قرار الحب ليك
ولا ليَّا
مهما دارينا
صورتي وصورتك
من عنينا
النصيب يا حبيبتي
هو اللي كتب علينا
أنا ليك وإنت ليَّا