فكك بقى
سيبك من الهم اللي سارح في الودان
قوم يلا كل لك لقمتين
وانسى ونام
وارتاح أوي
دا ما فيش تعب
كل اللي بيبارز غلب
والظلم مات
انسى الألم في الذكريات
عيش لك يومين
دا فـ شرع مين
انك تعيش عمرك حزين
العدل طاغي لحد باب سابع سما
وما فيش غيلان
وما فيش كلاب بتعض لحم الناس ولا في اليوم نكد
الدنيا ماليها الهنا
الدنيا مالياها الفلوس
حتى النفوس اتنضفت
ولا فيش سريقة بتتعمل ما تطيرش فيها كل إيد حتى إيدين الأبرياء
ولا فيش عناء
وما فيش غباء جوه الحكومة المعجزة
ولا فيشي حسبة معجزة
الدنيا فيها كل خير
ساقها الضمير
قوم يلا شوف الخير كتيييييييييييييييييير
وعشان تشوفه حقق الشرط العجيب
إنك في غفلة تنام وتحلم
واوعى تقوم لا تشوفها داهية تموتك