اقتراح

الاحباء الكرام
لماذا لا يكون هناك قسم خاص بالنقائض الشعريه . سواء كانت عامية او فصحي
علي ان تشكل لجنة تحكيم بواسطه الادارة المحترمة. لتقييم الاعمال وعرض الجيد منها في سلسله
مقروئه . او تحديد يوم علي البال توك لعرض النماذج الفائزة
وحتي نكون عملين فانا ساقوم بعرض قصيدة شعرية خفيفة
لتكون النواة
فلنبدء

	ياهل الدين والسنه قولولهم والله دي حاجه حرام اللي يجوز بنته صغيرة شئ مش صح تمام واللي يجوز عَذبه لعيل يبقي بيقضي عليه والله دي حاجه تحزن جدا شوف التالي ايه راجل فحل مفلطح حيطه وشنبه عليه صقرين كا بيدور علي بنوته تيجي يا دوب شبرين اصل مزاج مولانا الابعد ان مراته تكون اجمل بنت في حارة علوه ومشفهاش انسان والله دي حاجه تحزن جدا بص معايه عليه كانت فاطمة السيد مرعي خاطبة شارع الذوق عامله الانتر نت الدولي ياخونا ولا السوق بتجوز في الناس بالزوفه وبتحقق لاشواق والله العلم بحوره وسيعه سبحان الرحمن قعدت فاطمة وضغطت انتر ظهرت صوره عليه الكمبوتر يصرخ فجأة حلوه يا بنت الايه ابو زنوبه بيفتح بقه وبيبرق في عنيه جوزيهاني يا فاطمة ارجوكي وميهمكش الناس يدخل فجاة ابوها عليها افرحي يا جمالات جالك عريس وايه ريس ماله يتعد بالوفات لابس بدلة ايافه شياكه يشبه للبهوات والله باينه الحظ اتحسن زرغتي يام الخير بعد سبوع من يوم الدخله الحق ياسي ظريف بنتك راحت عا المستشفي باين جالها نزيف بعد يومين بالظبط ياعمي ودوها الانعاش خرج الدكتر وشه مجهم طبطب فوق لاكتاف حيلك شده وخليك راجل ربك فوق موجود طاب ليه طيب نرمي اولادنا بادينا في النار لاذم نقعد حبه نفكر قبل ما يوم نحتار خدها نصيحه مني هاقولها غير قابله لتاويل حط بناتك جوه عيونك واتغطي بالجفون زي م قالها رسولنا الخاتم رفقا بالقوارير

مع خالص تحياتي
[blink]انطلق [/blink]
احمد عبد الحي

عمى
الشاعر الكبير
أحمد باشا عبد الحى
قبل كل حاجة نرحب بيك الأول
ونقول لك شرفت ونورت يا غالى
أما بانسبة للقصيدة فده أحمد عبد الحى
طبعا القصيدة مش عايزة كلام كتير
وطبعا يا جميل إحنا مستنيينك
وعايزين أعمال العامية
الهادفة الجميلة دى
أما بخصوص الإقتراح فطبعا هانستنى رأى الإدارة
ولكن يا عمنا فيه حاجة مشابهة قوى هنا
فى الفصيح والعامية كمان
وانطلق أنت براحتك يا جميل
والله ما حد هايوقفك
الرابط بتاع العامية
https://www.rabitat-alwaha.net/molta...ad.php?t=29446
والرابط بتاع الفصحى
https://www.rabitat-alwaha.net/molta...ad.php?t=29468
[blink]انطلق يا باشا[/blink]
لكن قبل ما تنطلق أنا عايز مجموعة قصايد جامدة تنعنش العامية
تحياتى يا حبيب قلبى ومستنى القصايد تنزل زى المطر
وائل القويسنى

الشاعر القدير / احمد عبد الحي
ارحب بك مرة ثانيا هنا معنا فى العامية فهذا شرف لنا
لن اتكلم عن القصيدة فانت كما قال القويسنى
أحمد عبد الحي
نشكرك على مشاركتك معنا
والى مزيييد من المشاركات
تقبل خالص تحياتى وتقديرى
الهام احمد سعد

الجميل
الفاضل
أحمد عبد الحى
هلا ومرحبا بقلمك وسط محبينك
نصك
عامر
وزاخر
زجلية رائعة هادفة تحمل على عاتقها رسالة
وهذا هو الدور المنشود للشعر
وكان الزجل هو أقرب الألوان فى الشعر معالجا وعارضا لما يواجه الشارع والمجتمع من مشكلات
تحية لقلمك
ولشخصك
والف مرحب مرة أخرى

المبدع عبدالحي....
اهلا بك ومرحبا في الواحة الخضراء...

واهلا بهذا الفيض وهذا الجمال في او هطول له....

دم بخير
محبتي
جوتيار