شو تبدّل ب هالكون ؟؟
صار الرمادي
مغلف الألوان ..
لون الشَفَق ..
لَوْن الغَسَق ..
لون السَحَر ...
حتى الشَجَر ..
وزهرة الرمّان ...
------
صنوبرتنا هرت وراقا
وتكوّمت أحزان ..
وريح الشمال الهايجي
الحاملي معها عذر
أبشع من النكران
خلّعت كل شي حلو
أخدت معا البسمي
وضحكات مرتسمي
انحفرت عَ وجّ البدر
ووراق الشجر ...
وسرسب عُمُر
مابين أفراح وقهر
وحلاوة اللي كان .....
----------
بعلمي الصنوبر دايم الخضرة
تاري الحقيقة تبدّلت
لا الفرحة دامت
لا الأمان ..
لا الحب ...
لا الإخلاص ...
لا اللهفي ...
ولا الحنان ..
وتغيّرت لهجاتْ
شو تغيّرت !!!!
حتى الطبيعة ...
تبدّلت ..
ماعاد طحلب
عاش عالحيطان
كان السنونو يرقص
بعشو
ويزق لفراخو ..
حبة ورا حبة
هج ّ وتركنا وراح
وهجرت معو محبّة
كان العشق بيزهّر البستان
وبيفجّر الآهات
من صوت القصب
بحنيّة الرعيان
شو بقول ع َ اللي كان ؟
وين غاب يللي كان ؟؟
جولييت بدر