قلبي.............
ينشق قلبي ضفتين للبحر
ويلم موج النوة ف عيونه
من بين جفونه صولجان هربان
وبيبان بتنده للي راح منها
قلبي.............
من توهة الحرف اللي كان
أو من زمان حط الكلام علي كف ايد صاحبي
لقط حبوب الحب واداني
أشجاني حرفه كتير
ومسحلي احزاني
الفرقة هلت وطن
فاتبعترت صحبة
قلبي
إذا يوم نسيت انك اكيد مني
أو ان نبضك ف الوريد عني
ارجع لندهة صباح
من بدء تكوينك
تلقاك يادوب حتة فؤاد حيران
او حتي يمكن
تبقي يوم قلبي
*****************