محنِّي القلب يا بلدي
وحنة قلبي من حبك
وعشت العشق أوصافك
منش طمعان أنا ف دهبك
ولا عايز لا مال ولا جاه
وحتى لو بعد حبك
على أملي يعيش قلبي
عشان يروي غصون قربك
محني القلب يا بلدي
ومصراوي الدما نيلك
واعيش الهم اضحكلك
واضوي بروحي قنديلك
واعيش احلم بحرية
سنين بيضة مضوية
وبنت جميلة حورية
تعديلي المعدية
لا تخشى التوهة ف الضلمة
تعدي عقدة الزحمة
بإيدها هدية مسكاها
بتهدي وهي جواها
كتاب من نور ولا الدستور
وشدَّة الحيل وشدَّاها
تجيلي في المنام تخطر
لا تتباهى وتتمنظر
ولكن ترفع المنديل
بصوت رنام تقول مواويل
أنا جيتك يا فارسها
تكون انتة اللي حارسها
وترمي ف حجري منديلها
اقوم اجري احصلها
تقولي شيلها واوعلها
أمانة بربي لتصونها
شوية حنة فوق القلب
وصفحة من كتاب الرب
ورشة من غناوي الحب
تفرقها على جيلها
وتحفظ نورها لو ف الكرب
/
/
/
دمتم مبدعين