إشتياق .. للشاعر( أحمد سعيد موسى)

........................
الحياه لو مش بشوق
هنعيشها ليه ؟
هيا يعني الدنيا كانت
تسوى إيه؟
غير يدوب حبة حنين
ولاّّّ ضحكه ودمعتين
ضحكه لما القلب مرّه
يشوف حبيبه
ودمعه لما فلحظه يبعد
أو يسيبه
ودمعه لما القلب يصرخ
من نحيبه
نفسه بس ف نظرتين
.........................

الشاعر / أحمد سعيد موسى

إهداء إلى الحبيب الغالي .. الشاعر القدير " محمد عبد القادر"
تحياتي للجميع

أخي الحبيب أحمد
أنت هنا متميز بجد
كلامك في غاية الرقة والتأثير .
أكيد محمد عبد القادر بيستاهل الكلام الحلو ده .
أطيب تحية .

أحمد موسى
أنت قلب شاعر كبير
أسرنى جمال إهداءك
و رقة حروفك و نقاء سريرتك
أشكرك كل الشكر أخى الحبيب
لا تتصور أنا سعيد أد إيه بكلماتك
شكراً يا صاحبى
و ربنا يديم الود و المحبة
تحياتى العطرة
و
إلى لقاء

بتشكر مين بس ياغالي
أنا اللي بشكرك لاني سعيد بمعرفتك
اللي أي حد يتشرف بيها
يابو حميد انا تحت أمرك
وان شاء الله مش أول إهداء
طول ما في عمر ونفس وأراد ربك العيشه

نورت الصفحه يا غالي

ايه الجمال ده يا حمادة ربنا يخليك
ويخلي الحبيب محمد عبد القادر
سعيد كوني اول المعانقين فانا احبكما في الله وانتم اخوتي
طبعا تعرف ذلك
خالد الهواري اخوكم

انا اللي سعيد لمرورك يا خلود والله

رغم ان حبيبك سبقك في الكرسي وطلع كريم بردو
سمحلك تقعد وتشرب الساقع كمان

إنتظر إهداءك يا غالي بس على الله يعجبك

تحيتي لك