راجع بتسألنا
على فين نروح !!
على فين ؟؟
بعنا الوطن يا خال
فصدّق اللي اتقال
وابكي مع الموال
مـَ كلنا باكيين
راجع تقول على فين ؟؟
هنبيع عقولنا لمين ؟؟
يَريت نلاقي عقول
عشان نقول ونقول
ونعرفوا المسئول
عن موت صلاح الدين
أمتنا يا غالي
فيها الأمل مفقود
فيها الضمير ميّت
باب الفرج مسدود
شربنا وكستنا
وراحت كرامتنا
وعمر اللي راح ميعود
متقولناش على فين
غير لما تبكي العين
على أقصى باكِ حزين
مجد البلاد اتهان
يوم م انضرب لَفغان
خلّينا فـ البهتان
لحدّ يوم الدين
واياك تقول على فين
معلش يا عم طنطاوي
جمال قصيدتك خلاني أرتجل على صفحتك
بس أنا فقدت الأمل بأمانه فـ صحوة الضمير العربي
أو الإسلامي بمعنى أدق
فاقبل ارتجالي الصغير السريع
محبتي يا صديق دربي
أحمد موسى