انت احوالك عجيبة
إنت أحوالكْ عجيبة وآني احوالي عجبْ و إنت تدري شكد احبك و اني ادري ما تحبْ تريد تغلبني بكلامك واني راضي بهالغُلُب اشْما رِدِتْ مِنّي نِطيتَكْ أغلى ما عاشِق وَهَب تجي وتكذب عليَّ و اني اصَدْقك وانسِحِب و كانت اخطائك جميلة و حتى كذبك موكذب يا اللي ما يكفيك ذبحي تالي تصلبني صلب قلنا نكتب عن بعضنا أحلى ما شاعر كتب عني تكتب سطر واحد و عنك امْليتْ الكتب و قلنا نرسم حبنا صورة تبقى عبرة لكل محب بالفحم ترسم صورتي واني صغتك من ذهب ما أصدقك لا تحاول كافي تمثيل ونصب كافي تعبث بالمشاعر ياللي ما تعرف تحب آني مخلص للنهاية و إنت ماخذها لعب هذا حدي وياك يكفي ورغم حبي أنسحب هجرك يعذبني ادري و جمرة بضلوعي تشب خلي أعيش آني و خيالك وأعتب بأجمل عتب أحضنه ويحضني مره و من أجي لَهْ يقترب و ادري سجتي طويله بعدك و راح اواجه كل صعب ألقى آلام و مخاوف ووحدي راح أمشي الدرب لا تظن ارجع الك ياللي سليت القلب
د خليل ابراهيم عليوي
20/7/2007