محاسن بيومي تستقبل نابليون 2010

هنا أنعي العقل العربي وأستقبل معكم نابليون الفين وعشرة

نابليون ألفين وعشرة

يا فرحنا ويا هنانا
أوباما وجه حدانا
ورمى السلام أمانة
يا فرحنا ويا هنانا
جه من المحروسة يحلف
يحمي المجرم في قانا
يافرحناوياهنانا
روح الشهيد معانا
تبكي و بالدم تسأل
كام نابليون هوانا
يا فرحنا ويا هنانا
روح الشهيد زمان
شهدت كان يا ماكان
كان نابليون بعلمه
يحتل بلاد بإنه
راجل مؤمن بدينه
يا فرحنا ويا هنانا
جاب نابليون وحوشه
جوا الأزهر يدوسوا
فارس سلطان زمانه
كان مين يقدر يحوشه
يا فرحنا ويا هنانا
نفس التاريخ معانا
أوباما جه حدانا
جي يكيف هوانا
وينول عظيم رضانا
يا فرحنا ويا هنانا
راح نتكلم كلام
ونسلم ع السلام
كل الأجواء تمام
يا فرحنا ويا هنانا
نفرح لحظة لؤانا
والدعم لإسرائيل
هيزيد الدنيا ميل
والاستعمار ده دايما
راحته بتكون حدانا
يا فرحنا ياهنانا
والعقل مات جوانا
أوباما جه حدانا
جي يكيف هوانا

الفاضلة محاسن بيومي
سلام عليك اختاه
قصيدة ساخرة مذكرة بالتاريخ وتعطى النموذج لكل من تسول نفسه ان يحتل ارض المسلمين
تقديري وامتناني لألقك

القديره محاسن
أكيد يا فرحنا يا هنانا
لما أوباما شرف وأجانا
والهنا كله معانا
لما العالم ينافق ونوبل
تعطى لأوباما
تحياتي لقلمك الملتزم

كل الفخر لي أن تعلق على قصيدتي يا أستاذ طنطاوي فقط أردت أن أوضح من هو نابليون العصر المتستر وراء اللون وطراوة اللسان والتقرب للأديان فلا فرق أراه بينه وبين بونابرت

شكرا جزيلا للأستاذ عبد الرحمن الكردي كلماتك أيضا أضافت للموضوع ومن كونه موضوع ساخر شرفت بتعليق حضرتك وسخريتك من نابليون أيضا

طبعا أنا مقدرش أعلق على أي قصيدة من قصايد حضرتك بعد كدا ...

بس اسمحيلي أسجل إعجابي ف كل مره وخلاص ...

أنا متأكد إن في قصايد أروع وأحلى وف كل مجالات الشعر
وهستناها بشغف إن شاء الله

محبتي ووافر مودتي


أحمد

انت عارفه رأي في القصيدة دي يا محاسن
وعلى وجه الخصوص .. ( أوباما جاي ............. )
خالص تحياتي
نبيل مصيلحي

أستاذي الفاضل نبيل مصيلحي طبعا عارفة رأي حضرتك فيها وياريت كده تشرفني دايما بقراءة اعمالي لأن رأي حضرتك مهم جدا هندي بصفتك هرم من أهرامات العامية في الاوساط الثقافية والادبية