أيه اللي حاصل هنا
فيهْ عكننه في الكلام
فيه ناس لسانها اتقطع
وناس عليها السلام
وناس غلبها العَبَط
عمال تقول ... والسلام
مالك يا واد ؟ ...
غور بقى
وكفايةْ
قوم غور قوام
أو هات لنا يا بطل
تفسير لأصل الكلام
معنى جديد للمعاني
اللي اتبنت بالسلام
للحب بين البشرْ
رغم الحروب والموت
للطيبة والمغفرة
وشعوب تموت بسكوت
ولْغزة لو تتعدلْ وتبطل الإقدام
وتسيبها مِل الولدنةْ
والثورة والاسلام
علشان تعيش زيّنا
فرحة وأمل وسلام
لا كرامة تنفع هنا
ولا عِزّة ولا أوهام
كل اللي ليك ... زيِّنا
تاكل ... تنام ... وتموت
وتصلي كل الفروض
بالحمد للهلفوت
علشان مَباع أمته
بكلام ووعد سلام
لأ ... قصدي وهم سلام