في زمان الخوف
في زمان الرعب والتهديد
اتمليت يا قلب مرار
واتمليت يا جرح صديد
من اللي بيجرالنا
العقل قرب يروح
حكم النفس للنفس
حاجه تطلع الروح
شاب بيصرف علي اخواته
غلبان وطيب وف حاله
شقيان طول النهار
وامه في صلاتها داعياله
وقع في ايد حد ما بيرحم
من غير ذنب يا ولداه
طبق عليه حكم النفوس
بقلب ميت وضمير تاه
رحنا نشكي لكبارنا
هاتوا للجدع الحق
فتحوا كتاب القوانين
وقالوا دا يستاهل الشنق
ايه ذنبه يا اخوانا
قولوا لنا وفهمونا
والا انتو نويتوا علي الشعب
تجوعونا وتقتلونا
ايه ذنب الورد
يا بو نجوم علي كتافك
عمل لك ايه الجدع
لا بيعرفك ولا ف يوم شافك
هناخد التار من مين
صبرنا يارب
في بيتي مذلول
وبره بنضرب
يا جروح انزفي دمك
يا قلب كفايه دق
نموت بكرامتنا اهون
والموت علينا حق
يا خالد يا بن اسكندريه
الطعنه ما جاتش فيك
الطعنه جات فيا
والصرخه مكتومه جوايا
بايدين مفتريه ..
لله الأمر من قبل ومن بعد
ولا حول ولا قوة إلا بالله