كتبت بداياتها في الآيام الدامية في ميدان التحرير(الشهداء)
ومنها ليلة الأربعاء الدامي كما نسميه في الثورة
ولكن من الشدة والشدة في الميدان مع اذناب الظالم لم استطع تكميلها
وكانت تحفيزا من الشباب في الميدان جزاهم الله خير
لِيْهْ طِيْرِكْ
/
/
/
يا مصر يا غالية ليه طيرك * بيبني اِعْشَاشُهُ في الغُربة
وليه خيرك بإيد غيرك * وعيشُه يدوب في كام حَبَّة
أسير العشق وأسيرك* بقت أيامه لِيه صعبة؟!
وكان داهن تروس سيرك * بعرَق الصدق بِمَحَبَّة
*****
وهَشُّو الحقد من غصنك*قتل فرخُه وطال جرحُه
وكانْ راضي دفا حُضنِك *ولُونِ الفلِّ كان طَرحُه
بطول مسافات بِيِوْصَلِك * لِطيف وشِّك وبيصارحه
بهية انتِ وِ يشتاقلِك * ياسينْ ورضاكِ ليه فَرْحُه
*****
ويتمنَّى يغنيلك * يِزَقْزقلِك مَوَاويلِك
يشيل همِّك بغنِّيوْتُه *و يِشعل نور قناديلك
وكان بيعةْ عميل وجبان*بِغُلْبُه جَايِّ يشكيلك
لقى الظالم نَاصِبْ شبَكُه * وِقِعْ وِ لسَانُه بِدْعيلِك
*****
ومات والقلبِ يِتْمَنَّى * بِصُبْحَ اوْطَانُه يِتْحَنَّى
وِ يِشْغِلْ مِ الوَريد فُستَان * وٍ يِعْجِنْ دَمُّو فِالْحِنَّة
يجيب الضيِّ بعد الليل *دَا لَجْلَ اَجْيالْنا تِتْهنى
وِحُرِّيَة وَهَبْهَا اللهْ * عَلَى رَاسِك تاجِ الجَنَّة
*****
يَا مصْرِ يا دُرَّة يا بلَدنَا * ميلادْ أُمَّتْنا فِ جْهادنَا
كِفَايَة النُّوم يَاخُدْنَا حَرَامْ * نِفُوقْ هانعيدْهَا أَمْجادنَا
لَا دِين وَ لَا شَرْعِ قَالو نَّامْ * ومُتنا لمَّا يُوم حِدنَا
دِي عِزِّتْنَا حَوافْرِ الخِيلْ * سُؤالْ وِيْجَاوْبُه أَجْدَادْنَا
*****
الحمد لله على الثورة العظيمة ونسأل الله تمامها وكمالها
آمين
لتكون نبراس لكل من ينتفض على ظلم الظالم
ودرس لكل ظالم تسول له نفسه الاستكبار على شعبه
والإستئثار بمقدراته
دمتم أحرار مبدعين