الحُضن الدافى
تحية....... لكُل أم
لحضن دافى يضم
حُضنها.............
ملعب..... وساحة
وبيتها................
براااااااااح وواحة
كلها حب وسماحة
بتضُم الكل.... ضُم
والكل يحس راحة
فى صُحبة أحلى أم
*تحية للحبيبة
أم القلب الحنين
وملانه حنان وطيبة
بتخلى الصعب هيّن
ف الشدة تكون قريبة
بتفرج كل غَم
الله على أحلى أم
*تحية فيها سلام
للى وصانا بيها
نبى الله مُحمد
وسيد الآنام
إمامنا قال تلاتة
فى أول مره أمك
والتانية برضه أمك
هى اللى شايلةهَمْك
والتالته وصى فيها
حن وطبطب عليها
وبوس راسها وايديها
مفيش كتير عليها
ها تجيب الكون بحاله
تعبها ما يوافيها
ومنكوا اللى يراضيها
أنهار جنات عشانه
تجرى تحت رجليها
*تحية لكل ضَمة
بتشيل م القلب غُمة
بتخفف حمله عنه
ما هى ست الكل أم
*تحية بكل حب
لاطيب وأحن قلب
فى صلاتها تقول
يارب
يا غافر كل ذنب
خلي ولادى وباركهُم
فُكلهُم كُل كَرب
تبادر بالمحبة
مليانة وداد وحُب
بتصلى الفجر حاضر
طلبات للكل حاضر
يارب انت اللى قادر
تحفظها لى يا رب
ما هى دى ست الحبايب
بتحب الكل ييجى
وتدعى بقلب دايب
وتشوف الكون نسايم
دايما ف لقا الحبايب
لو يوم كان حد غايب
لسانها تملى قايل
يعود لحضنى سالِم
*الله عليكى يا أمة
بتدفى فى كل ضمة
تملانى بالحنان
ولوحدى أو فى لامة
بلْقا فى حضنك أمان
وانا جُوّه الحضن بسمع
غُنا الطيور ألحان
علمتينى الحياة
بالعِزه وبكرامة
ألاقيكى وقفة جنبى
لو قدامى غيامة
ولما أقول الآه
تداوينى بابتسامة
ولما تودعينى
تتمنى لى السلامة
دعوتك الحلوه ليا
بتسيب فى القلب ياما
يارب يدوم حنانك
اللى معلم علامة
ودى بوسة ع الجبين
والتانية لإيد جنابك
مصحوبة بميت سلامة.