نفسى أعرف رايحة فين
للعذاب ولّا الحنين
وانتى ساكنة ف نن عينى
قلبى عاد حاير حزين
ينكوى بالحب حبة
يفتكر عطش السنين
يفتكر يوم من حياته
لما كنا صغيرين
يفتكر عزك ومجدك
لما يفدوكى ولادك
ينزفوا عرق الجبين
يفدوا أرضك وبدماهم
هما دول المخلصين
دول يقولوا ودول يقولوا
والكلام وهم وظنون
وحدوا الكلمة يا ناس
مصرنا يلا نصون
نبنى فيها الإنسانية
شعب حر يكون أمين
ينسى جهله بعد ظلمه
يرفع الراية بعلمه
وبإيمانه يكون أمين