لفـوا المقام بالورد
ارموا الحقيقة نذور
ناسي مكان القبر
ولا انته ناوى تزور
حمل الجتت على الأرض
مَنعهـا والله تدور
باعوا التراب بالنهد
والظلم عالا السور
ومنين هجيب حلمـى ؟!
وانا حلمـى بات مسحور
ضلمة يا بطن الشمس
والكهف شعشع نور
شدوا لجام حرفى
انا حرفى غاوي يثور
واجلد حكاوي الغد
واسجن جمال الحور
ابعت حكيم للقصر
يرجع حكيمك تور
اقتل بأيديك ضى
لكنه مش مؤمن
انه فى يوم يختفـى
اطلق رصاصك حى
وتوارى ليه عورته؟!
بعتوا الغراب يرسمه
أنشوده فى الملكوت
دمك ده ليه تكتمه
داخل سجون الموت
كل الحقائق بلاا
محتاجه توب الصوت
كل الودان تنطرب
لمـا الحمار نهئ
بلبل حارتنـا لطم
بجد حاجة تزهئ
لسا الغراب مش لاقـى
ناس وغاوية العلم
وادى مخالبه انحنت
لحضرة جلالة الدم
وادى الحجارة انبت
فوق سدر عاش للظلم
معزول انا عن شعرى
وشعرى نازل ذم
قالى بصوت مدبوح
مش قولتلكـ يا بنى
بكره مخاوي الهم !!
بصيت وماسك جرحـى
وقلت انـا استنـا!!
لو كـان فى بكره الألم
عيشه بكل ما فيه
وميعادنـا فـ ـ الجنه
كُتبت بتاريخ
8/6/2012
الساعة 12:00 مساءً
بقلم /
أحمـد عبد الفتاح الشهيبى