كتبتلك على جهازى
كلام الليل
ما كراسى طفح م الكيل
فقلت (ايميل)
يوصلك حروف القلب
بكل مشاعرى واحساسى
بعتلك رسايل حب
فرشتلك زهور وعبير
بعطرلك كلام بشوق
محبه راكعه للتقدير
وتلهيفى قصايد ملّت التصابير
وقلتلك يازى البدر
مدحتلك خدودك ورد
وقلتلك عليكى بغير
ونفسى اكون انا الفارس
وليكى امير
..
تقابلينى بأسى جارح
ف صد ورد
مانا من يومى مش جارح
رموش وخد
فسامحينى
هواكى جوا بيسافر
على سحر العنين سافر
وفاحلامى انا مسافر
ودوامه من الاحساس بتتسافر
تشق الليل
وانا وحدى باحزانى
لمين اشكى هوا يعانى
لمين عايش باوجاعى
ما قولتلك مفيش داعى
غرورك كسر اضلاعى
ودا حضنك بيجفينى
مهوش ناوى
يعيش لحظه على دراعى
وحضنى ضليل
ما قولتلك لمين باعت
لمين داعى ف نص الليل
..
بعتلك ف اشعارى
قصايد ورد
شعور السهد
تقوليلى
لا انسى الود
واحلامك على جهازك
ياريت تتعد
كلامك كان كلام افلام
اغانى وشخبطت( كى بورد)