برغم أنِّكْ بتِنْسينى
وهَاجره وصالى وسنينى
وعايشة مابين فراق وخصام
ولا قادر اخليكى
تخبينى مابين ضلعك
ولا قادر اكون قلعك
ولا شايف طريق ممدود
ما بين قربى وبين بعدك
ولاكنى بسافر كل يوم لغرام
وأعيش عابر سراب وحْدود
برغم أنِّك........
بلاقينى بَهد سدود
وحالم انى راح أضمك
...
ورغم انى ليلاتى بثور
ومستنى اعيش ف النور
وبكتب قصتى بدمعى
بلاقيكى تَملِّى بتملى محبرتى
وف اشعارى بتجتمعى
واشوفك طيف على الصفحة
وبتلالى كما البنور
بشوفك كل يوم صابحة
وريحتك ع السطور طابعة
وشعرى كل ما يقصَّر
بلاقى النسمة تتأثر
وتصبح هالة من من صورتك
تفجر فيا بركانى
والاقى النبض عاد تانى
وبكتبلك مداد وشعور
يا مالكة كيانى مَتْهَدِّى
انا درويش ومتْوضِّى
وبحرك فيه متين عوام
وانا عومى على قدِّى
..بحبك أيوه من قلبى
وعمرى سنين وبتْعَدِّى
لاكن ليكى انا عايش
برغم أنك..بتتصَدِّى