أ
لقيت هذه القصيدة لأول مرة يوم 20 يناير 2011 بمؤتمر القوى الوطنية
وانا بكتب من أولى دراسة
وانا بتهجى ف الكراسة
أكتب أول حرف ف اسمك
عاشت مصر
زعيم وسياسة
عاشت
لكن علشان تقتل
كل مفكر عنده
فراسة
نفسه يقدم علمه لأهله
من غير حوجه لمال وحراسة
عاشت
فاتحة معتقلاتها
علشان تمنع اى غلاسة
صحفى بينقد
شاعر يسخر
من أوضاعنا بكل كياسة
عاشت
يسقط كل رموزها
اى معارض
عنده حساسة
هدفه يغير ظلم نظامنا
حزبنا خوخ بيعمر طاسة
أى مشاغب من شبانهم
راح نفتح له
صفحة قياسة
أمن الدولة عنده أوامر
يفرض على كلمتنا حراسة
م الأخوان أو 6 نيسان
برضه كفاية عملنا دراسة
أقطف وردك قبل ما يزهر
أحسن عطره كله...وحاشة
عاوز إيه الشعب دا منى
واكل نايم غصب عنى
وانا مش لاقى وقت الراحة
ليل ونهار مشغول بهمومكم
من مشاكلكم خدت أجازة
وف منتجع الشرم الناعم
بقى من تعبى مقر رياسة
لا ياجماعة سيبوا زعيمنا
معقول يهرب من مشاكلنا
بعد النعمة ما فاضت بينا
كل حدودها بعزف ربابة
مش كده برضه تبقى الدنيا
زين وخلاصة
دانت بتبنى كهف همومنا
فوق جماجمنا بينا وبين
ننوس العين
بعد ما يبقى الحكم وراثة
اتعلمت واعلم أبنى
وابنى يعلم بعدى ف ابنه
ابنك بعدك علشان خاطرى
سلسل افكارك دوّرها
لما نتحنط ف تبوت
وارجع واكتب أخر سطرى
يسقط أسمك
يسقط نسلك
عاشت مصر علوم وفلاحة
كل ولادها كارهين صورتك
هو دا رايى بكل صراحة
كل الشرفا لاعنين عهدك
علشان عزك كله بجاحة
راحو ف قطرك من غير دية
وف عبارة الموت بفظاعة
الف وأكتر راحوا ضحية
قرش ياكلهم موت يحدفهم
شافوا ف قلب الموت الراحة
ولا مدارس أيام حكمك
كان م الممكن تبقى الواحة
وقعت فوق احلام مدفونة
دفنت جوه الليل نواحة
ادفع علشان خاطر ابنك
يبقى حمار على عينه عصابة
إيه عايزينه بعد دا كله
اشكر واحمد عهد خلاصة
عهدك مهما هانوصف يفضل
أسوء عهد زعيم وسياسة