مسرحية . مزاد على قلب !

فصل واحد من مشهدين
المشهد الأول : (( فى صالة المزاد ))
المشهد الثانى (( حوار فى المزاد ))
أسماء المُشاركين فى المسرحيه : ـ
الخبير المُثمِن والمُتسائل (( ويرمز له بعلامة ؟؟؟؟ )) .
المُتعجب من أجواء المزاد (( ويرمز له بعلامة !!!! )) .
المُتخبطه صاحِبة القلب المعروض فى المزاد (( ويرمز لها بعلامة % & )) .
مَن رسى عليه المزاد (( ويرمز له بعلامة $$$ ) .
=============================================
المشهد الأول : ـ فى صالة المزاد
======================
ألا اوونا .. ألا دوونا .. ألا تِــرى
يالا مين جاهِز ؟؟ ومين هايدفع أكتر
فى قلب مُمكن يتأجـــر

قلب فى أى لحظه مُمكن يغير طريقو
لأن فى عُرفو الجاهِز هو إللى نصيبـو

قلب مع الغريب مُمكن يتحجــــــــــر
لكن مع الجاهِـز . بسُرعه
بيليــن ويتعطــــــــر

قلب بيرضى بالسمك .. حتى لو لسه من الميه ماطِلعش
مُمكن يكون سمك تعابين .. أو حتى سمكة قِــرش

وخدوا بالكُم من كلمة ( القِــــــرش ) يعنى المُهم يكون جاهِز
والطبع يمكن مايفرِقش .. ياترى مين فِهم .. ومين لِسه مافِهمش ?!

نقول تانى .. ألا اوونا .. ألا دوونا .., ألا تــرى
قرب ياجاهِز .. قرب يابيه

أيوه يابيه .. هاتدفع كام ؟ قصدى مهرك إيـــه
دينــار .. ولا ريــال .. بس إوعــى ليكون جنيــه
لأن الجنيه .. مِسكين .,. راحِــت عليــه

إستووووووووب .. إوقـِــف المــزاد
علشــان فى ناس غريبه موجوده
====================================
المشهد الثانى (( حوار فى المزاد ))
===========================
إنت يا إبنــى .. واقِف هنا ليــه ؟
شَكلك لا بــاشا .. ولا حتـــى بيـــه
يبقى جــى هــنا .. تِعمل إيـــه ؟

أنا يتقاللى واقِف هنا ليه !
وأنا إللى كُنت فاكِر نفسى من أصحاب البيت !!

؟؟؟؟ / إنت بتتكمل عن أنهو بيت ؟
وإنت أصلاً إيه إللى خلاك فى مزاد جيــت ؟؟

!!!! / أنا جيت لأن القلب المعروض كُنت بعرفو
ومُمكن دلوقتى فى لحظه أوصِفــو

؟؟؟؟ / إنت يا إبنى كلامك غريب كده ليه ؟
مين ده إللى كنت بتعرفو .. ووصف إيه إللى إنت جاى تقول عليه ؟
إحنا يا إبنى فى زمن الريال واليورو والدولار
ده حتى الجنيه من زمان راحِت عليه
إنت ماسمعتش ؟ ولا عايش فى زمن غير إللى إحنا عايشين فيه ؟!

معقوله ياجماعه ! القلوب بقت تِتبــاع
على العموم إسألوه .. وعرفوه إن السؤال ده مِـــنى
لكن مِش عاوزه أبداً يكلمــنى

؟؟؟؟ / ونسأل ليه يا إبنــى .. مالحكايه بقت معروفه
واللعبه بقِــت مكشــوفــه
الحكايه بقت كـــــام ؟ وبِـــكــــام ؟؟ مِش حكاية مين وليه ؟
يبقى فى إيه تانى نِسأل عليه ؟؟
إيه يا إبنى .. إنت أفكارك غريبه كِده ليه ؟؟
الكلام ده كان زمان .. يالا يا لإبنــى إنت باين غلطان فى العِنوان
باختصار يعنى .. إللى معاه ياخُد
وإللى معهوش .. مايلزموش

!!!! / ياجماعه . أرجوكم صدقونى .. ولم مِش مُصدقين حلفونى
أنا فِعلاً خلاص نِسيتو .. ونِدمـت إنى فى يوم لقيتو
ده موضوع خلاص إنتهى .. وياريتو ماكان إبتدى
المُهِم .. إسألوه . وإعتبروه أخر سؤال مِنــى
وسمعونى هايقولكُم إيه عــنــى !

؟؟؟؟ / طب يالالا يابيعه .. قصدى ياقلب
بسُرعه . رُدى عليه
هو إنتى صحيح , بِتـعرفيــه ؟

%%&& / أيــوه أنا بعرفو .. وبرضو فى لحظه مُمكن أوصفو
لكن . أنا فكرت .. وإفتكــرت
إنه معهوش . وفى عُرفى ياجماعه . إللى معهوش
رغم إنه قريب مايلزموش
لكن الجاهِز .. أى جاهِــز .. ولو كان بعيد .. ما أرفضوش

؟؟؟؟ / عين العقل يابـِـنـتـى .. قصدى يا إنــتــى
لمصلحتِك $ فكرتى .. وخططتى .. وقررتى
وإنت يا إبنى . يالا بقى الدُنيا مصالح
ماتعطلناش .. وماتأخرناش
يالا ياجماعه . نِرجع تانى
ألا اوونا .. ألا دوونا .. ألا تِــرى
فيــن الجاهِز .. إللى هايدفع أكتــر .. من غير مايفكر

$$$$ / أيوه ياجماعه .. أنا جاهِز $$ وإســألو عنى
هايقولولكُم . معايا كام .. ومعايه إيــه $$

؟؟؟؟ / قوول يابيــه ... ده مِن غير ما نِســأل
الجاهِــز .. بيبــان عليــه
هاتدفع كـــام .. قصــدى .. مُـهرك قــد إيـــــه

$$$$ / مهرى دولارااااااااااااااااات $$$$$
هو سلاحى وسر نجاحى
معايا كمان . وعد أكيد بسفريــــاااااااااااااات

؟؟؟؟ / دولارات $$ وسفريات .. مبروك يابيه
البيعه رِسيت عليك
يالا يابهوات . خلاص خِلص المزاد
وهانشوفكُم أكيد فى بيعه تانيه
وإنتى يابيعه . قصدى ياقلب .. رغم خِبرتى مش عارف أقول إيه ولا إيه
المُهم .. نقول مبروووووووووووك ولا نقول برافووووووووووووو

%%&& / قولوللى مبروووك ( طمعاً ) ! قصدى ( طبعاً )
وكمان قولوللى برافووووووووو .. لأنى مع الجاهِـز
هاشوف إللى ماحدِش شافوووووووووو
يــــــــــاه .. دولارات $$ وسفريــات .. أحمِــدك يارب

مشاهد مضحكة مبكية تترجم واقع مادي قذر بكل الأسف " اللي ممعهوش بلاش يعيش "
والكفة الراجحة لمن معه ولو كان مسخ
ليتك صغت تلك الجميلة الناطقة بالفصحى لكانت أروع
مرحبا بك في واحتك
تحاياي