ناس و ناس

لسه فيه

ناس
عايشين الباطل
تسأل فيهم انتوا منين
ولا يا ناس ساكنين طب فين
يقولولك فى البلد إياها
ساكنين فى البيت اللى يمين
قهوة جدى العمده حسين
و سلالم و كراسى و هيسه
عركه كبيره
عصي و شوم
صفاره لغفير العمده
كله يخلي مكان العركه
كله يقوم
طوق كرسى القهوة بإيده
جاب أجنبى و إتصوره سيده
كان فرمانه الأول يقتل
كل أهالى العمده حسين
نط سؤال فى عنين العمده
عايز يسأل
طب كده ليه
بس الأجنبى ما اداش فرصه
بعته لمارى و لننيه
فرفش عمدتنا وطقيته
داسها بإيده و برجليه
و الأجنبى نفذ تهديده
مرت سنه على كده و اتنين
أمشى و اسيبهم ناس تانيين
تسألهم يقولولك فين
أحنا مكاننا فوق القمه
بيت الهمه
مركز أول
قوه و سيطره ع التانيين
أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين
قلتلهم
انا بينكوا و بينهم
طوبه و تايه عنها البيت

وطوبة على طوبة يكتمل البناء يا محمود
إبداع آخر لك أسجل إعجابي به .. وبمثلك لا يخيب الظن
إلى الأمام
محبتي
شاهين

سلام الـلـه عليكم
الأخ الفاضل الشعر محمود النجار

اعجبتني هذه الملامسات المخبوءة بين بوح الكلمات , والصور المرسومة بعفوية , والنبض الحر , ولقد شهد لك الشاعر الكبير الاستاذ شاهين أبو الفتوح , عندما كتب :
" إبداع آخر لك أسجل إعجابي به .. وبمثلك لا يخيب الظن
إلى الأمام "

تقبل احترامي وتقديري

أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين


لله درك ايها الشاعر المبدع

غنيت معاك

ولمست الجرح

أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين


دمت بخير اخي ودام عطاؤك

الجميل محمود النجار
اسقاط جميل وتناول بسيط راقى
احييك عليه
بس ملاحظه على جنب يا شاعر
اعطى فرصه اكبر لأعمالك تاخد حقها فى المشاهدات
انا ملاحظ انك بتطرح عدد من الاعمال فى اوقات متقاربه وده بيظلمها
تقبل كل تقديرى
واحترا ماتى

محمود النجار ورود متناثرة وعبق لا ينضب
دمت بهذه الاشراقة
تقديري
ينابيع السبيعي