الى الوالد الشعري سعد مشكور ألعبادي وفاءاً ومحبه
خل اصيرن
عاشق الظلمه واحقق امنياتي
روحي مرهونه اعله واحد
داعب النجمه ويدكَ ساسه ابنهر
خل ادوخن
وما اصيرن مثل ذاكه
العنده استعداد ينطق الف نيه ومايسوي كل عمل
كلي افكر يمته اوصل؟؟
للمحطه
يله عود انتظر ريل
القمم صارت محطه .... والغيوم اصبحت ريل
يا معاتب ادري والله
وي عسر لفني انتظارك فرد باكَه
وجن يتيم وحن لابوه بساعة الشدة
وجن طغت عالرشفه سدة
خل اطيحن
بلكي هذا الزمن تاخذ الغيره
ما يبوكَ ولا وساده
وشنهي فايد
من يبوكَ النوم ويخلي المخده
سافرينه لجزر احنه بيهه شوكَ ابلا ضمير
الاول احنه ومن وصلنه
بنتظارك
احنه ودعنه الاخير
الرساله تخصك انت يلي صاحي ابكل ضمير
اسمك البصمه بلساني
انت يل ماحاجه اكتبك
بس انطقك يعني ابصم على الدنيا ...
يا سعد مشكور اجزم
انا وانت ونبقى قربان الوطن
اليأس بابه وغلكَـته كَلي كيف الغربه تدخل
خلي اصيحن
عالمسافه اللعنه تنزل
عالمسافه اللعنة تنزل